जिल्ला रुपन्देही तिलोत्तमा न.पा. वडा नं.१६ घर भई हाल का.जि.नागार्जुन न.पा. वडा नं. ७ स्थित ग्रिनभिलेज बस्ने वर्ष १८ को निश्चल आले मगरले प्रयोग गर्ने KTM DUKE 250 मो.सा. बिक्री गर्ने भनी Social Media Facebook मार्फत HAMRO Bazar Page मा विज्ञापन पोष्ट गरेकोमा उक्त मो.सा. खरिद गर्ने भनी मिति २०८१/०४/१७ गते लिई फरार भएको घटनाको अनुसन्धानको क्रममा उक्त कार्यमा संलग्न का.जि.का.म.न.पा. वडा नं. ०५ हाँडीगाउँ बस्ने वर्ष २० को राकेश थापा समेतका निम्न उल्लेखित मानिसहरुलाई मिति २०८१/०४/३१ गते अ. १३:०० बजेको समयमा का.जि.का.म.न.पा. वडा नं.०६ स्थित वौद्धबाट नियन्त्रणमा लिई थप अनुसन्धान तथा कारवाहीको लागी जिल्ला प्रहरी परिसर काठमाडौँ पठाईएको ।

साथै अनुसन्धानको क्रममा निज राकेश थापा समेतको संलग्नतामा मिति २०८१/०४/०६ गते जिल्ला धनुषा ज.उ.म.न.पा. वडा नं. ०७ घर भई हाल का.जि.का.म.न.पा. वडा नं. २७ जैशीदेवल बस्ने वर्ष २४ को लक्ष्मण राज शाह ले प्रयोग गर्ने मधेश प्रदेश ०२-००६ प ५६६७ नं.को R15 V4 मो.सा. समेत सोही प्रकृतिबाट लगेको भनि खुल्न आएकोमा उक्त मो.सा. का.जि.का.म.न.पा. वडा नं. ०६ वौद्ध बाट र बाग्मती प्रदेश ०२-०३६ प ७७४२ नं.को KTM DUKE 250 मो.सा. जिल्ला भक्तपुर मध्यपुर थिमी न.पा. वडा नं.०२ सानोथिमी बाट बरामद गरि जिल्ला प्रहरी परिसर काठमाडौँ पठाईएको, पक्राउ परेका राकेश थापा समेतका निम्न मानिसहरुले सोही प्रकृतिबाट अरु थप मो.सा.हरु समेत चोरी गरेको हुन सक्ने देखिन आएको हुँदा सो-सम्बन्धमा समेत थप अनुसन्धान कार्य भई रहेको ।

पक्राउ प्रतिवादीहरु :-

१.  नाम :-  राकेश थापा (चोरी कार्य गर्ने)

उमेर :- २० वर्ष

ठेगाना :- का.जि.का.म.न.पा. वडा नं. ०५ हाँडीगाउँ

२.  नाम :- सुरोजन शाही (चोरी गरेको मो.सा. प्रयोग गर्ने)

उमेर :- १९ वर्ष

ठेगाना :- जिल्ला भक्तपुर भक्तपुर मध्यपुर थिमी न.पा. वडा नं.०२

३. नाम :- विकाश थामी (चोरी कार्य गर्न विज्ञापन खोज्ने तथा चोरीको मो.सा. प्रयोग गर्ने)

         उमेर :- २९ वर्ष

         ठेगाना :- जिल्ला भक्तपुर मध्यपुर थिमी न.पा. वडा नं.०२

Ø बरामद गरिएको मो.सा :- थान-२