“डलर देखाई प्रलोभनमा पारी ठगी गर्ने व्यक्तिहरू पक्राउ”
२०८१-०९-१९
- A
- A-
- A+
घटना विवरण :-
मिति २०८१/०९/०३ गते
जिल्ला झापा दमक नगरपालिका वडा नं. १२ घर
भई हाल, काठमाण्डौ जिल्ला काठमाण्डौ महानगरपलिका वडा नं. ९ धुम्बाराही बस्ने वर्ष
५५ को हरी कृष्ण बराल लाई फोन सम्पर्क गरी
जिल्ला सप्तरी शम्भुनाथ नगरपालिका वडा नं
११ घर भई हाल भक्तपुर जिल्ला भक्तपुर नगरपालिका वडा नं. १ बस्ने वर्ष ४७ को सुजित
मिजार ले सस्तो दर रेटमा डलर साट्ने प्रलोभन देखाई जिल्ला भक्तपुर मध्यपुर थिमि
नगरपालिका वडा नं. ४ मध्यपुर अस्पताल नजिक हनुमन्ते खोलाको छेउ एकान्त ठाँउमा बोलाई
योजनाबद्ध तरिकाले रातो रुमालले बेरेको अवस्थामा रहेको पैसाको आकारमा काटिएको
कागजको बिटो देखाई पीडित हरी कृष्ण बराल बाट नेपाली रुपैंया ५,००,०००।- (पाँच लाख)
ठगी गरेको घटनामा काठमाण्डौ उपत्यका अपराध अनुसन्धान कार्यालय, शाखा भक्तपुर र PCCB ठिमीबाट खटिएको संयुक्त प्रहरी टोलीले
जिल्ला भक्तपुर सुर्यबिनायक न.पा. स्थित सल्लाघारी बाट मिति २०८१।०९।१८ गते पक्राउ गरी आवश्यक कारबाही तथा थप अनुसन्धानको
लागि प्रहरी वृत्त ठिमीमा पठाइएको ।
पक्राउ पर्ने व्यक्तिको विवरण :-
१) जिल्ला
सप्तरी शम्भुनाथ नगरपालिका वडा नं ११ रामपुर घर भई हाल भक्तपुर जिल्ला भक्तपुर
नगरपालिका वडा नं. १ मा डेरा गरी बस्ने वर्ष ४७ को सुजित मिजार ।
बरामद
दशीहरुको विवरण:-
१.
वारदातमा प्रयोग भएको
माईक्रोम्याक्स कम्पनीको मोबाइल थान - १
२.
चाँदीको ब्रासलेट थान – १
३.
चाँदीको औठी थान- २