सामाजिक संञ्जाल फेसबुकमा  वैदेशिक रोजगारमा रहेका व्यक्तिहरुको पहिचान गरी प्रोफाईल भिजिट गर्नुको साथै उनीहरुको आफन्तहरुको समेत विवरण राखी नक्कली फेसबुक आईडी Create गरी उक्त फेक आईडिमा विदेशमा रहेका व्यक्तिहरुकै फोटो Upload गरी  उक्त आईडिबाट आफन्तहरुसँग म्यासेन्जरमा Text गरी आफु र आफ्नो साथी बिरामी भई अस्पतालमा भर्ना भएको र आफुलाई रकमको आवश्यकता परेकोले मेरो साथीको QR मा रकम पठाउनु भनी विभिन्न व्यक्तिहरुसँग रकम माग गरी उपत्यकाको विभिन्न पसलहरुमा गई आफ्नो मान्छे बिरामी भई अस्पतालमा भर्ना भएको र आफन्तले उपचारको लागि रकम पठाईदिदै छ, मेरो कुनै पनी बैंक खाता छैन भनी हजुरको खातामा पैसा आउँछ सो पैसा राखी मलाई नगद रकम दिनु भनी उक्त पसलहरुको QR Code पठाई उक्त QR मा रकम हाल्न लगाई पसलहरुबाट नगदै रकम लिई ठगी गर्दै हिड्ने गरेको खुल्न आएको हुँदा निज जिल्ला धादिङ घर भई काठमाण्डौ  बस्ने बर्ष २७ को नारायण दत्त खकुराल लाई यस प्रहरी कार्यालयबाट खटि गएको टोलीले मिति २०८१।११।२० गते जिल्ला काठमाण्डौ तार्केश्वर न.पा. वडा नं. ५ लोलाङ हाईटबाट   पक्राउ गरी निजलाई आवश्यक कारवाहीको लागि मिति २०८१।११।२१ गते जिल्ला प्रहरी परिसर भद्रकाली काठमाण्डौमा पठाइएको ।

पक्राउ परेको व्यक्तिको विवरण:-                               

नाम थर         : नारायणदत्त खकुराल                   

उमेर              :  २७ वर्ष                                        

स्थायी वतन    :  जिल्ला धादिङ ज्वालामुखी गाउँपालिका वडा नं.७

अस्थायी वतन :  जिल्ला काठमाण्डौ तार्केश्वर न.पा. वडा नं. ५ लोलाङ हाईट

    बरामदी सामान :-                  

(१)   Oppo कम्पनीको निलो रङको मोवाईल थान -१ ।

(२)    बा.५८ प २७७५ नम्वरको १५० सिसि भएको कालो रङको पल्सर मोटरसाईकल थान -१ ।