दुबईबाट नेपाल आउने यात्रुहरुलाई ल्यापटप र मोवाईल १/१ थान गरी नेपाल पठाउने र एक जना यात्रुले १/१ थान ल्यापटप र मोवाईल ल्याउदा भन्सार छुट हुने प्रावधान रहेकोले धेरै जना व्यक्तिहरुलाई १/१ थान ल्याटपट र १/१ थान मोवाईल ल्याउन लगाई भन्सार छली चोरी तस्करी भईरहेको भन्ने सूचनाको आधारमा अनुसन्धान गर्दै जाँदा मिति २०८१।१२।१८ गते दुबईका बिभिन्न उडानद्धारा नेपाल अवतरण भएका ३ (तिन) जना यात्रुहरु मार्फत १/१ थान ल्यापटप र मोवाईल लिई आएका यात्रुहरुलाई जिल्ला काठमाण्डौ का.म.न.पा.वडा नं.९ गौशला बत्तिसपुतलीबाट सामान सहित नियन्त्रणमा लिईएको । निजहरुले ल्याएका सामानहरु लिनका लागि आएका अन्य ३ (तिन) जना व्यक्तिहरुलाई समेत सोही स्थानबाट नियन्त्रणमा लिईएको । सामान लिन आउने व्यक्तिहरुको प्रारम्भिक अनुसन्धान गर्दा उल्लेखित सामानहरु न्युरोडको संकटा मन्दिर नजिक Alited Suppliers Pvt. Ltd. नामको ल्यापटप पसल संचालन गरी बस्ने रसिद आलमले यस्तै गरी पहिला-पहिला पनि धेरै पटक सामान ल्याएको भन्ने खुले पश्‍चात निजको पसल तथा स्टोरमा खानतलासी गर्दा बिल बिजक नभएका Dell कम्पनीका ६९ थान ल्यापटप र २ थान मोवाईल बरामद गरी नियन्त्रणमा लिईएका ७ (सात) जना व्यक्तिहरुलाई बरामदी सामान सहित थप अनुसन्धान एबम आवश्यक कारबाहीको लागि त्रिभुवन बिमानस्थल भन्सार कार्यालय गौचर, काठमाण्डौमा पठाइएको ।

पक्राउ परेका व्यक्तिहरु:-

·       जिल्ला महोत्तरी बलवा नगरपालिका वडा नं.१२ स्थायी वतन भएका बर्ष २८ को राकेश गिरी ।  (दुबईबाट सामान ल्याउने)

·       जिल्ला पाल्पा रम्भा गाउँपालिका वडा नं.१ स्थायी वतन भएका बर्ष ४१ को तारा बहादुर रेस्मी मगर । (दुबईबाट सामान ल्याउने)

·       जिल्ला पाँचथर मिक्लाजुङ गाउपालिका वडा नं.३ स्थायी वतन भएका बर्ष ३५ की कमला फियाक । (दुबईबाट सामान ल्याउने)

·       जिल्ला मकवानपुर राक्सीराङ गाउँपालिका वडा नं.९ घर भई हाल जिल्ला काठमाण्डौ सितापाईला बस्ने बर्ष २६ को चित्र बहादुर मल्ल ठकुरी । (सामान रिसिभ गर्ने)

·       जिल्ला मकवानपुर राक्सीराङ गाउँपालिका वडा नं.९ घर भई हाल जिल्ला काठमाण्डौ सितापाईला वस्ने छोरा बर्ष २४ को हुकुम बहादुर मल्ल । (सामान रिसिभ गर्ने)

·       जिल्ला उदयपुर कटारी न.पा.वडा नं.५ घर भई हाल जिल्ला काठमाण्डौ का.म.न.पा.वडा नं.६ बौद्ध बस्ने बर्ष ३१ को सुमित के.सी. । (सामान रिसिभ गर्ने)

·       जिल्ला मोरङ बिराटनगर उप.म.न.पा.वडा नं.१५ घर भई हाल जिल्ला काठमाण्डौ का.म.न.पा.वडा नं.१४ कंलकी बस्ने बर्ष ३० को रसिद आलम । (दुबईबाट सामान मगाई पसल संचालन गर्ने)

सामानको बिवरण:-

       १)    Dell कम्पनीको ल्यापटप थान-७२ (बहत्तर)

       २)    Apple कम्पनीको 16 Promax मोवाईल थान-१ (एक)

       ३)    Apple कम्पनीको 13 Promax मोवाईल थान-४ (चार)