आफ्नो परिचय समेत लुकाई विभिन्न नामको झुट्ठा परिचय मार्फत बेरोजगार युवायुवतीहरुलाई ललाई फकाई आकर्षक तलबको प्रलोभनमा पारी रोजगारीका लागि युरोपका विभिन्न देशहरुमा लैजाने भन्दै लामो समयसम्म झुक्यानमा राखि विदेश नपठाई सम्पर्क विहीन भएकोमा पीडितहरुले दिएको जाहेरी दरखास्त उपर अनुसन्धान हुँदा विदेश पठाउने भनी ठगी गर्ने निम्न व्यक्तिलाई काठमाण्डौं जिल्ला टोखा न.पा. वडा नं.०८ बाट पक्राउ गरी थप अनुसन्धान तथा कारवाहीको लागि वैदेशिक रोजगार विभाग ताहाचल, काठमाण्डौं पठाईएको ।

      पक्राउ व्यक्तिको विवरण:-

१.नाम थर        :- दिपक पाण्डे, दिपक कुमार पाण्डेय भन्ने रुपक विश्वकर्मा

उमेर           :- २९ वर्ष

स्थायी वतन :- जिल्ला जाजरकोट बारेकोट गा.पा. वडा नं.०७ ।

हाल           :-  जिल्ला काठमाण्डौं का.म.न.पा. वडा नं.०९ ।

देश            :-  युरोपका विभिन्न देशहरु

विगो रकम   :- रु.८५,२०,५००।- (पचासी लाख बिस हजार पाँच सय)

{ प्रतिवादी उपर वैदेशिक रोजगार विभाग ताहाचल काठमाण्डौमा वैदेशिक रोजगार सम्बन्धी कसूर मुद्दामा (हाल सम्म विगो रु.८२,५०,५००।– खुल्न आएको) ९ वटा पक्राउ पुर्जी जारी भएको र जिल्ला प्रहरी परिसर भद्रकाली काठमाण्डौंमा ठगी सम्बन्धी कसूर मुद्दामा (विगो रु.२,७०,०००।-) पक्राउ पुर्जी जारी भएको }

पक्राउ मिति  :- २०८२/०२/२८ गते ।

पक्राउ स्थान :- जिल्ला काठमाण्डौं टोखा न.पा. वडा नं.०८ ।

पीडित संख्या:- १० जना (हाल सम्म खुल्न आएको संख्या)

पठाइएको कार्यालय :- वैदेशिक रोजगार विभाग ताहाचल, काठमाण्डौं

·              साथै प्रतिवादीको साथबाट देश भारतबाट जारी भएको दीपक कुमार पाण्डेय नामको आधार कार्ड थान १(एक) समेत फेला परेको । 

          ·              निजले ACHIEVERS CONSULTING SERVICES BASUNDHARA-03, KATHMANDU को Dipak Pandey Managing Director लेखिएको  Visiting Card र  Attractive Trasvels & Tours, Dillibazar Kathmandu को Amit Kc ,Managing Director लेखिएको Visiting Card पीडितहरुलाई दिएको पाइएको ।