“ दक्षिण कोरिया पठाईदिन्छु भनी रकम ठगी गर्ने व्यक्ति पक्राउ ”
२०७९-०५-०२
- A
- A-
- A+
जिल्ला झापा अर्जुनधारा न.पा. वडा नं. ८ स्थाई घर भई हाल
का.जि. नागार्जुन न.पा. वडा नं. ६ सितापाइला बस्ने वर्ष ३४ को दिनेश खतिवडाले
जिल्ला काभ्रेपलाञ्चोक तेमाल गा.पा. वडा नं. ९ मुक्पाटार स्थाई घर भई हाल
का.जि.का.म.न.पा. वडा नं. १५ स्वयम्भु बस्ने वर्ष ४० को रुपलाल लामालाई दक्षिण
कोरियामा वर्किङ भिषामा जानको लागि रु. १०,००,०००/- ( अक्षेरुपी दश लाख रुपैयाँ
मात्र ) लाग्छ, दक्षिण कोरिया पुगेपछि प्रतिष्ठित होटलमा काममा लगाइदिन्छु, मासिक
रु. २,५०,०००/- सम्म तलव हुन्छ भनी विश्वास दिलाई प्रलोभनमा पारी निजबाट जम्मा रु. ७,५०,०००/- ( अक्षेरुपी सात लाख पचास हजार रुपैयाँ मात्र)
रकम लिई सम्पर्क विहीन भई ठगी गरेकोले वैदेशिक रोजगार विभागबाट यस कार्यालयमा
पक्राउ गरी उपस्थित गराइदिन हुन भनि पत्राचार भएकोमा यस कार्यालयबाट खटिएको टोलीले
निज दिनेश खतिवडाको खोजतलास गर्ने क्रममा मिति २०७९।०५।०२ गते का.जि.का.म.न.पा.
वडा नं. ३१ मिनभवनबाट पक्राउ गरी थप
अनुसन्धान तथा कारवाहीको लागि वैदेशिक रोजगार विभाग बुद्धनगर, काठमाडौँ पठाईएको
।
निम्न:
नाम थर : दिनेश
खतिवडा
उमेर : ३४
वर्ष
वतन : जिल्ला झापा अर्जुनधारा न.पा. वडा नं. ८ स्थाई घर भई हाल
का.जि. नागार्जुन
न.पा. वडा नं. ६ सितापाइला बस्ने