“हराएको नागरीकता दुरुपयोग गरी सिंगापुर पठाई दिन्छु भनी अनलाईन ठगी गर्ने ब्यक्ति पक्राउ”
२०७९-०५-०९
- A
- A-
- A+
पिडित
संन्दिप न्यौपानेको जिल्ला प्रशासन कार्यालय, पर्वतको सक्कल नागरीकताको प्रमाण पत्र जब सेन्टर संचालन गर्ने उद्देश्यले जन कल्याण सेवा
प्रा.लि. नामक जब सेन्टर मान्यता प्राप्त निकायमा दर्ता गर्ने क्रममा सक्कल
नागरीकताको प्रमाण हराएकोमा उक्त नागरीकता फेला पार्ने ब्यक्तिहरुले सोही
नागरीकताको दुरुपयोग गरी नेपाल सरकारको
स्विकृती नलिई ईजाजत बिना जिल्ला
काठमाण्डौं कामनपा- बालाजु स्थित Eagle Queen Education
Consultancy नामक मेनपावर खोली संचालन गरी निज संन्दिप न्यौपानेकै
नामबाट कामना सेवा बिकास बैंक लिमिटेडमा खाता नम्बर १२७१४१००५१३९६९०००००१, ज्योति
बिकास बैंक लिमिटेडमा खाता नम्बर 02201300477227000001, सेञ्चुरी कमर्सियल बैंक
लिमिटेडमा खाता नम्बर 0230000856C5 मा अर्कै ब्यक्तिको फोटो टाँसी किर्ते दस्तखत गरी खाता संचालन गरी ११ जना
पिडितहरुलाई सेक्यूरिटीगार्ड, किल्नर,
हेल्पर, ईलेक्ट्रीसियन काममा आकर्षक तलब, सुबिधामा बैदेशिक रोजगारको लागी सिंगापुर
पठाई दिने प्रलोभनमा पारी पटक-पटक गरी रु. जम्मा रु. ५,५८,०००। रकम पठाउन लगाई ठगी
गरेकोले ठगी गर्ने कार्यमा संलग्न व्यक्तिहरुको खोजतलास गरी कारवाही गरी पाउँ
भन्ने व्यहोराको पिडितको निवेदनको आधारमा अनुसन्धान गर्दै जाँदा उक्त कार्यमा संलग्न जिल्ला मुगु खत्याड गाउँपालिका वडा नं. १
घर भई हाल जिल्ला काठमाण्डौ बुढानिलकण्ठ बस्ने बर्ष २३ को बिनी बहादुर कार्कीलाई
पक्राउ गरी ठगी सम्बन्धी कसूरमा आवश्यक अनुसन्धान तथा कारवाहीको लागी आज मिति
२०७९।०५।०९ गते जिल्ला प्रहरी परिसर काठमाण्डौंमा पठाईएको ।
पक्राउ ब्यक्तिको विवरण:-
१.
नामथर:- विनी बहादुर कार्की
उमेर:-
२३
ठेगाना:-
जिल्ला
मुगु खत्याड गाउँपालिका वडा नं. १ घर भई
हाल जिल्ला
काठमाण्डौ बुढानिलकण्ठ