" दशैंका दिन मृत अवस्थामा भेटीएका भारतीय नागरीकको हत्यामा संलग्न अभियुक्त पक्राउ "
२०७९-०६-२४
- A
- A-
- A+
मिति २०७९/०६/१९ गते वडा
दशैंको दिन बिहान अं. ७:०० बजेको समयमा का.जि. का.म.पा. वडा नं.-१९, रामघाट स्थित
हेमन्त महर्जनको घरमा डेरा गरी बस्ने भारत कलकत्ता मेहेन्दीपुर पश्चिम बंगाल घर
भएको बर्ष ४७ को दिलिप आदकको कोठा बाहिरबाट ताल्चा लगाई भित्र गन्ध आई रहेको
अवस्थामा प्रहरीलाई खबर भएकोमा प्रहरी घटनास्थलमा पुगी उक्त कोठा फोडी हेर्दा
दिलीप आदक मृतक अवस्थामा टाउकोमा ठुलो चोट भई कपडा भरी रगत बगी गन्हाएको, कपडाले छोपेर
राखिएको अवस्थामा मृतक लाश भेटीएकोमा यस कार्यालयबाट अनुसन्धान गर्दा दिलिप आदकको
हत्या गर्ने ब्यक्ति निजसंगै विगत केही महिना देखी संगै बसी काम गरी रहेको जिल्ला
पर्सा बहुदरमाई न.पा.-०२, हांसवा स्थायी
घर भएका राजाबाबु भन्ने श्रीलाल ठाकुरले हत्या गरेको खुल्न आएकोमा निजलाई
मिति २०७९/०६/२३ गते जि. काठमाण्डौ का.म.न.पा.वडा नं.-१५, स्थित स्वयम्भुबाट
पक्राउ गरीएकोमा निजले काठ च्याप्न प्रयोग हुने ३ फुट २ ईन्च लामो सकिन्जा (Vice) ले
सुति रहेको अवस्थामा टाउकोमा प्रहार गरी हत्या गरी कपडाले छोपी बाहिरबाट ताल्चा
लगाई फरार भएकोमा हत्या गर्न प्रयोग भएको सकिन्जा (Vice) र
मृतकको कोठामा बाकस फुटाउन खोज्दा आधा भाग फोडीएको र माथिल्लो भाग बाकि रहेकोमा
उक्त बाकस फोडी हेर्दा नगद रु ४ लाख १९ हजार समेत फेला पारी बरामद गरी पक्राउ भई
आएका अभियुक्त राजाबाबु भन्ने श्रीलाल ठाकुरलाई थप अनुसन्धानको लागि प्रहरी वृत्त
जनसेवा पठाईएको ।
पक्राउ अभियुक्त
नाम :- राजाबाबु
भन्ने श्रीलाल ठाकुर
उमेर :- २५ वर्ष
वतन :- जिल्ला पर्सा बहुदरमाई न.पा.-०२ हांसवा