काठमाण्डौ उपत्यकाको न्युरोड एरियामा बिभिन्न व्यक्तिहरुले नेपाल राष्ट्र बैकले जारी गरेको आदेश/निर्देशन विपरीत हुने गरी ईजाजतपत्र नलिई बित्तिय कारोवार (हुण्डी) गर्दै आएको भन्ने गोप्य सूचना यस कार्यालयमा प्राप्त हुन आएको हुँदा नेपाल राष्ट्र बैकबाट ईजाजतपत्र नलिई बित्तिय कारोवार गर्ने कार्यमा संलग्नहरुको निग्रानी राखी खोजतलास गर्ने क्रममा   मिति २०७९।१०।२० गते अं. १७:०० बजेको समयमा तपसिल बमोजिमका व्यक्तिहरुलाई  हुण्डी गर्ने प्रयोजनको लागि संकलन गरेको नगद रु.७८,५०,०००।– (अठ्ठहत्तर लाख पचास हजार मात्र।-) रकम  र रु. चार लाखको चेक सहित तत्काल पक्राउ गरी नेपाल राष्ट्र बैक ऐन २०५८ को दफा ९५ बमोजिम  आवश्यक कारवाहीका लागि जिल्ला प्रहरी परिसर टेकु, काठमाण्डौ पठाईएको ।

अनुसन्धानबाट खुल्न आएका कुराहरु:

v निजहरु मध्ये पक्राउ परेका दिपेन्द्र मल्लले विगत ५ बर्षदेखि र किशोर चौधरीले विगत ४ महिना देखि न्यूरोड एरियामा रहेका विभिन्न व्यक्तिहरुबाट हुण्डीको रकम संकलन गर्ने र बैंक डिपोजिट मार्फत् रकम व्यवस्थापन गर्ने कार्य गर्दै आएको ।

v निजहरुले अर्का एक व्यक्तिको मातहतमा बसी दैनिक औषत १ करोड भन्दा माथिको रकम कारोबार गर्ने गरेको देखिएको ।

पक्राउ ब्यक्तिहरु:-    

१.      जिल्ला कैलाली धनगढी उ.म.न.पा. ९ घर भई हाल का.जि. बिजुली बजार बस्ने बर्ष २३ को किशोर चौधरी ।

२.      जिल्ला कैलाली गोदावरी न.पा.१० घर भई हाल का.जि. बिजुली बजार बस्ने बर्ष ५९ को दिपेन्द्र बहादुर मल्ल ।

बरामद सामान र सम्बन्धित ब्यक्तिको फोटो :-

·       नेपाली नगद रु ७८,५०,००० ।- (अठ्ठहत्तर लाख पचास हजार मात्र)

·       ने.रु.४,००,००।–(चार लाखको मात्र) चेक थान-१ ।

·       निजहरुले संकलित  रकम व्यवस्थापन गरेको भौचर तथा कारोबार विवरणहरु भएको मोबाइल थान-२ ।