घटना विवरण :

              वैदेशिक रोजगारीको लागि विदेशमा काम गर्दा गर्दै विविध कारणले मृत्यू भएका तथा बिदामा नेपाल आउँदा मृत्यू भएका नेपालीहरुले बीमा बापत पाउने बीमा रकम मृतकका आफन्तहरुलाई दिलाई दिन्छु भनी बीमा बापत प्राप्त हुने रकमको केही रकम मात्र आफन्तलाई दिई बाँकि रकम लिई ठगी गरेको भन्ने गोप्य सूचनाका आधारमा यस कार्यालयबाट खटिएको विशेष अनुसन्धान टोलीले त्यस्ता कार्यमा संलग्न रहेका व्यक्तिहरुको निग्रानी राखी खोजतलास गर्ने क्रममा मिति २०७९।१२।२३ गते दिउँसो जिल्ला काठमाण्डौ गोंगबु स्थितबाट राम बहादुर तामाङ समेत ६ जना व्यक्तिहरुलाई विभिन्न मृतक व्यक्तिहरूको नागरिकता, राहदानी, जन्मदर्ता, मृत्यूदर्ता, विवाह दर्ता, वडा कार्यालयको सिफारिस बीमा कम्पनिको लेटरप्याड लगायतका महत्वपूर्ण अन्य विविध कागजातहरु सहित फेला पारी निजहरुलाई पक्राउ गरी ठगी सम्बन्धि कसुरमा आवश्यक कारवाहीका लागि जिल्ला प्रहरी परिसर टेकु, काठमाडौँ पठाइएकोमा थप व्यक्तिहरूको खोजतलास गर्ने क्रममा मिति २०७९।१२।२४ गते का.जि.का.म.न.पा. वडा नं. ११ स्थितबाट पशुपती अधिकारी र मिति २०७९।१२।२५ गते जिल्ला भक्तपुर भ.न.पा. वडा नं. १० कमलविनायकबाट उमेश बुढाथोकीलाई पक्राउ गरी थप अनुसन्धान तथा कारवाहीको लागि जिल्ला प्रहरी परिसर टेकु, काठमाडौँ पठाईएको ।         

 निम्न:

१.       नामः पशुपती अधिकारी

  उमेर : ३६ वर्ष

  ठेगानाः जिल्ला अर्घाखाँची छत्रदेव गा.पा. वडा नं. ४ घर भई हाल का.जि.क.म.न.पा. वडा नं. २६

                     रानीबारी बस्ने वैदेशिक रोजगार बोर्डमा कार्यरत नायव सुब्बा ( कम्प्युटर अपरेटर )

२.       नामः उमेश बुढाथोकी

  उमेर : ३० वर्ष

  ठेगानाः जिल्ला भक्तपुर चाँगुनारायण न.पा. वडा नं. ४ बुढाथोकीगाउँ बस्ने सूर्यज्योति जिवन बीमा

       कम्पनीमा कार्यरत जुनियर अधिकृत