“ स्लोभाकिया पठाईदिन्छु भनी रकम ठगी गर्ने व्यक्ति पक्राउ "
२०७९-१२-२८
- A
- A-
- A+
जिल्ला पाँचथर फाल्गुनन्द गा.पा. वडा नं. ३ घर भई हाल जिल्ला ललितपुर, ल.पु.म.न.पा. वडा नं.१४ नख्खीपोट बस्ने वर्ष ४६ को एकराज नेम्बाङले विजय लिम्बुलाई वैदेशिक रोजगारीको लागि स्लोभाकिया जानको लागि प्रतिव्यक्ति रु. १५,००,०००/- ( अक्षेरुपी पन्ध्र लाख रुपैयाँ ) लाग्छ, स्लोभाकियामा पुगेपछि कन्स्ट्रक्सन कम्पनीमा वेल्डिङको काम लगाइदिन्छु मासिक रु. २ लाख भन्दा बढी तलव हुन्छ भनी विश्वास दिलाई प्रलोभनमा पारी निज पीडितबाट पटकपटक गरी जम्मा रु. १२,००,०००/- (अक्षरुपी बाह्र लाख रुपैयाँ मात्र) रकम लिई सम्पर्क विहीन भई ठगी गरेकोले वैदेशिक रोजगार विभागबाट यस कार्यालयमा पक्राउ गरी उपस्थित गराइदिन हुन भनी पत्राचार भएकोमा यस कार्यालयबाट खटिएको विशेष प्रहरी टोलीले निज एकराज नेम्बाङको खोजतलास गर्ने क्रममा मिति २०७९।१२।२८ गते का.जि.का.म.न.पा. वडा नं. २६ गोंगबुबाट पक्राउ गरी थप अनुसन्धान तथा कारवाहीको लागि वैदेशिक रोजगार विभाग बुद्धनगर, काठमाडौँ पठाईएको ।
निम्न:
१.
नामः एकराज नेम्बाङ
उमेर : ४६ वर्ष
ठेगानाः
जिल्ला पाँचथर फागुनन्द गा.पा.वडा नं.३ घर भई हाल जिल्ला ललितपुर, ल.पु.म.न.पा. वडा नं.१४ नख्खीपोट