“अमेरिका लगायतका देशहरूमा पठाईदिन्छु भनी रकम ठगी गर्ने व्यक्ति पक्राउ”
२०८०-०१-०६
- A
- A-
- A+
जिल्ला भक्तपुर मध्यपुर ठिमी न.पा. वडा नं. १ लोकन्थली बस्ने वर्ष ४४ को उज्वल खड्काले सुनिला गुरुङ समेत २० जनालाई वैदेशिक रोजगारीको लागि अमेरिका, जर्मनी, बेलायत तथा जापानमा जानको लागि प्रतिव्यक्ति रु. ३०,००,०००/- ( अक्षेरुपी ३० लाख रुपैयाँ ) लाग्छ, सम्बन्धित देशहरूमा पुगेपछि प्रतिष्ठित कम्पनीहरूमा काम लगाइदिन्छु मासिक रु. ४,००,०००/- भन्दा बढी तलव हुन्छ भनी विश्वास दिलाई प्रलोभनमा पारी निज पीडितहरुबाट पटकपटक गरी जम्मा रु. ३,५६,०८,०००/- (अक्षरुपी तीन करोड छपन्न लाख आठ हजार रुपैयाँ मात्र) रकम लिई सम्पर्क विहीन भई ठगी गरेको भनी वैदेशिक रोजगार विभागबाट यस कार्यालयमा पक्राउ गरी उपस्थित गराइदिन हुन भनी पत्राचार भएकोमा यस कार्यालयबाट खटिएको विशेष प्रहरी टोलीले निज उज्वल खड्काको खोजतलास गर्ने क्रममा मिति २०८०।०१।०५ गते राती २०:०० बजे जिल्ला रौतहट चन्द्रपुर न.पा. वडा नं. ४ चपुरबाट पक्राउ गरी थप अनुसन्धान तथा कारवाहीको लागि वैदेशिक रोजगार विभाग बुद्धनगर, काठमाडौँ पठाईएको ।
निम्न:
१.
नामः उज्वल खड्का
उमेर : ४४ वर्ष
ठेगानाः जिल्ला भक्तपुर मध्यपुर ठिमी न.पा. वडा
नं. १ लोकन्थली