“ कुवेत पठाईदिन्छु भनी रकम ठगी गर्ने व्यक्ति पक्राउ "
२०८०-०२-३०
- A
- A-
- A+
जिल्ला मकवानपुर साविक
भिमफेदी गा.वि.स. वडा नं. १ परिवर्तित् भिमफेदी गा.पा. वडा नं. ६ स्थाई घर भई हाल
का.जि.का.म.न.पा. वडा नं.१४ कलंकी बस्ने वर्ष ३७ को विजय पुलामी मगरले बिर बहादुर
गुरुङ समेत १३ जनालाई वैदेशिक रोजगारीको लागि कुवेत पठाईदिन्छु, प्रतिव्यक्ति रु.
२ लाख लाग्छ, कुवेतमा पुगेपछि प्रतिष्ठित कम्पनीमा काममा लगाईदिन्छु, मासिक रु.
५५,०००/- रुपैयाँ कमाई हुन्छ भनी पिडितहरूलाई विश्वास दिलाई प्रलोभनमा पारी निज पीडितहरुबाट राहदानी तथा पटकपटक गरी जम्मा
रु. ७,७५,२००/- (अक्षरुपी सात लाख पचहत्तर हजार दुई सय रुपैयाँ मात्र) रकम लिई
कुवेतमा नपठाई सम्पर्क विहीन भई ठगी गरेको भनी यस कार्यालयमा पिडितहरूबाट जाहेरी
दरखास्त प्राप्त भएपछि प्रारम्भिक अनुसन्धान लगत्तै खोजतलास गर्ने क्रममा यस कार्यालयबाट
खटिएको विशेष प्रहरी टोलीले निज विपक्षी विजय पुलामी मगरको खोजतलास गर्ने क्रममा
मिति २०८०।०२।२९ गते साँझ १७:०० बजेको समयमा का.जि.का.म.न.पा. वडा नं. २८ पुतलीसडकबाट
पक्राउ गरी थप अनुसन्धान तथा कारवाहीको
लागि जिल्ला प्रहरी परिसर टेकु, काठमाडौँ पठाईएको ।
निम्न:
१.
नाम : विजय पुलामी मगर
उमेर : ३७ वर्ष
ठेगाना : जिल्ला मकवानपुर साविक
भिमफेदी गा.वि.स. वडा नं. १ परिवर्तित् भिमफेदी गा.पा.वडा नं. ६ स्थाई घर भई हाल
का.जि.का.म.न.पा. वडा नं. १४ कलंकी ।