“ माल्टा पठाईदिन्छु भनी रकम ठगी गर्ने व्यक्ति पक्राउ ”
२०८०-०३-१५
- A
- A-
- A+
जिल्ला
झापा अर्जुनधारा न.पा. वडा नं. ३ मदनपुर स्थाई घर भई हाल काठमाडौँ जिल्ला टोखा
न.पा. वडा नं. ३ धापासी बस्ने वर्ष ३८ को युवराज लिम्बु समेतले भुवन भट्टराईलाई वैदेशिक
रोजगारीको लागि माल्टा पठाईदिन्छु त्यसको लागि रु. १२,००,०००/- ( अक्षेरुपी बाह्र
लाख रुपैयाँ मात्र ) लाग्छ, माल्टा पुगेपछि पानीजहाजमा काम लगाइदिन्छु, मासिक रु.
१,००,०००/- भन्दा धेरै तलव हुन्छ भनी विश्वास दिलाई प्रलोभनमा पारी निज पीडितबाट पटकपटक
गरी जम्मा रु. ६,३०,०००/- (अक्षरुपी छ लाख तीस हजार रुपैयाँ मात्र) रकम लिई सम्पर्क विहीन भई ठगी
गरेकोले वैदेशिक रोजगार विभागबाट यस कार्यालयमा पक्राउ गरी उपस्थित गराइदिन हुन
भनी पत्राचार भएकोमा यस कार्यालयबाट खटिएको प्रहरी टोलीले निज युवराज लिम्बुको खोजतलास
गर्ने क्रममा मिति २०८०।०३।१४ गते अं. १२:०० बजेको समयमा का.जि.का.म.न.पा. वडा नं.
५ कालोपुलबाट पक्राउ गरी थप अनुसन्धान तथा कारवाहीको लागि वैदेशिक रोजगार विभाग ताहाचल,
काठमाडौँ पठाईएको ।
निम्न:
नाम थर : युवराज लिम्बु
उमेर : ३८ वर्ष
वतन : जिल्ला
झापा अर्जुनधारा न.पा. वडा नं. ३ मदनपुर स्थाई घर भई हाल काठमाडौँ जिल्ला टोखा
न.पा. वडा नं. ३ धापासी