“ रोमानिया पठाईदिन्छु भनी रकम ठगी गर्ने व्यक्ति पक्राउ ”
२०८०-०३-१८
- A
- A-
- A+
जिल्ला बर्दिया ठाकुरबाबा न.पा. वडा नं. २ स्थाई
घर भई हाल का.जि.का.म.न.पा. वडा नं. १३ बाफल बस्ने वर्ष २९ को ससिन कुमार थापाले
सन्तोष गुरुङ समेत २ जनालाई वैदेशिक रोजगारीको लागि रोमानिया पठाईदिन्छु त्यसको लागि
रु. ६,००,०००/- ( अक्षेरुपी छ लाख रुपैयाँ मात्र ) लाग्छ, रोमानिया पुगेपछि प्रतिष्ठित
होटलमा काम लगाइदिन्छु, मासिक रु. १,००,०००/- सम्म तलव हुन्छ भनी विश्वास दिलाई
प्रलोभनमा पारी निज पीडितहरूबाट पटकपटक गरी जम्मा रु. ४,००,०००/- (अक्षरुपी चार लाख रुपैयाँ
मात्र) रकम लिई सम्पर्क विहीन भई ठगी गरेकोले वैदेशिक रोजगार विभागबाट यस
कार्यालयमा पक्राउ गरी उपस्थित गराइदिन हुन भनी पत्राचार भएकोमा यस कार्यालयबाट
खटिएको प्रहरी टोलीले निज ससिन कुमार थापाको खोजतलास गर्ने क्रममा मिति २०८०।०३।१७
गते अं. २२:०० बजेको समयमा का.जि.का.म.न.पा. वडा नं. १३ बाफलबाट पक्राउ गरी थप अनुसन्धान तथा कारवाहीको लागि वैदेशिक
रोजगार विभाग ताहाचल, काठमाडौँ पठाईएको ।
निम्न:
नाम थर : ससिन कुमार थापा
उमेर : २९ वर्ष
वतन : जिल्ला बर्दिया ठाकुरबाबा न.पा. वडा नं. २ स्थाई घर भई हाल का.जि.का.म.न.पा. वडा नं. १३ बाफल