बिश्वमा संचालन हुने बिभिन्न खेल तथा गतिविधिहरुमा सट्टबाजी गर्न प्रयोग हुने Betting Application 1X BET मार्फत सट्टाबाजी लगाउन रकम संकलन गर्ने गराउने कार्य गर्ने र Crypto Currency Trade गर्ने सक्रिय Agent दिनेश खडकालाई  मिति २०८०।०२।३० गते पक्राउ गरी अनुसन्धानको लागि जिल्ला प्रहरी परिसर काठमाण्डौ पठाईएकोमा निजले सञ्चालन गरेको खाताहरुको थप अनुसन्धानको क्रममा निज दिनेश खड्काले  केही व्यक्तिहरुको नागरिकता प्रयोग गरी उनीहरुको मञ्जुरी बिना ४२ वटा खाता खोली बिद्युतीय माध्यमको दुरुपयोग गरी अनाधिकृत रुपमा खातामा  रु ३१,३२,६४,२५२।-(एकतिस करोड बतीस लाख चौसाठ्ठी हजार दुई सय बाउन्न मात्र जम्मा भएको र उक्त खाताहरुबाट ३१,०५,९१,२२६।–(एकतिस करोड  पाँच लाख एकानब्बे हजार दुई सय छबिस मात्र) अन्य खाताहरुमा पठाएको खुल्न आएकोले २ जना पिडितहरुको बैंकिङ कसुर तथा सजाय ऐन २०६४ को दफा ३ (क) र (ख), दफा ५ को (क) र (ग) र दफा ६ बमोजिम को कसुर गरेको बिरुद्व किटानी जाहेरी दरखास्त प्राप्त गरी उक्त सक्कल जाहेरी दरखास्त लगायतका अन्य कागजातहरु आवश्यक कारवाहीको लागि मिति २०८०।०३।१९ गते जिल्ला प्रहरी परिसर टेकु, काठमाण्डौ पठाईएको ।