जिल्ला रौतहट गौर न.पा.वडा नं.३ स्थायी घर भएको सतेन्द्र अधिकारी भन्ने सत्यन्द्र प्रसाद यादवले आफुलाई विर अस्पतालको डाक्टर तथा नेपाल सरकार गृहमन्त्रालयको कर्मचारी रहेको भनी जाहेरवालालाई बिर अस्पतालमा जागिर समेत लगाई दिन्छु र निजको आफन्तहरुलाई बैदेशिक रोजगारको लागी क्यानडा इजरायल लगायतका देशमा सरकारी कोटामा  पठाई दिन्छु भनी बिभिन्न ब्यक्तिका राहदानी, नागरिकता, सवारी चालक अनुमति पत्र समेत लगी बिभिन्न प्रलोभन र प्रभावमा पारी  रु ३०,५५,०००।– (अक्षरुपी रु तिस लाख पचपन्न हजार) लिई ठगी गरी सम्पर्क विहिन भई फरार रहेको तथा बिकाश पाण्डे नाम गरेको व्यक्तिको मोटरसाईकलको बिलवुकमा आफ्नो फोटो टाँसी किर्ते समेत गरेका प्रतिवादीलाई यस काठमाण्डौ उपत्यका अपराध अनुसन्धान कार्यालयबाट खटिएको प्रहरी टोलीले मिति २०८०।०४।१९ गते अं. १५:३० बजेको समयमा जिल्ला ललितपुर ल.पु.म.न.पा वडा नं.१७ ग्वार्कोबाट  पक्राउ गरी ठगी सम्बन्धी कसुर र लिखत सम्बन्धी कसुरमा थप अनुसन्धान एंव कारवाहीको लागी जिल्ला प्रहरी परिसर ललितपुर जावलाखेलमा पठाईएको  ।                                   

पक्राउ प्रतिवादीः-

नाम:- सतेन्द्र प्रसाद अधिकारी भन्ने सत्यन्द्र यादव

उमेर:- ६१                                             

वतन:- जिल्ला रौतहट गौर न.पा.वडा नं.३                             

अनुसन्धानमा खुल्न आएका अन्य कुराहरुः-

·       २०७४।०३।०७ गते जि.प्र.का रौतहटबाट किर्ते कसुरमा  मुद्दा चलाईएको ।

·       २०७५।११।०५ गते प्रहरी परिसर काठमाण्डौबाट अभद्र ब्यवहारमा मुद्दा चलाईएको ।

·       २०७५।११।१९ गते प्रहरी परिसर काठमाण्डौबाट बैदेशिक (क्यानडा) ठगीमा मुद्दा चलाईएको ।

·       २०७५।१२।०३ गते प्रहरी परिसर काठमाण्डौबाट जबरजस्ती करणीमा मुद्दा चलाईएको ।

·       २०७९।०३।०२ गते जि.प्र.का रौतहटबाट अभद्र ब्यवहारमा मुद्दा चलाईएको ।