“ क्यानडा पठाईदिन्छु भनी रकम ठगी गर्ने व्यक्ति पक्राउ ”
२०८०-०४-२१
- A
- A-
- A+
जिल्ला
दोलखा जिरी न.पा. वडा नं. ६ घर भई हाल जिल्ला काठमाण्डौं बुढानिलकण्ठ न.पा. वडा
नं. ३ बस्ने वर्ष २७ की फुलमाया जिरेलले नवराज घिमिरेलाई वैदेशिक रोजगारीको लागि
क्यानडा पठाईदिन्छु, त्यसको लागि रु. १०,००,०००/- ( अक्षेरुपी दस लाख रुपैयाँ मात्र
) लाग्छ, क्यानडा पुगेपछि प्रतिष्ठित Hotel
मा काम लगाइदिन्छु, मासिक रु. १,००,०००/-( अक्षेरुपी एक लाख रुपैयाँ
मात्र ) तलव हुन्छ भनी विश्वास दिलाई प्रलोभनमा पारी निज पीडितबाट पटकपटक गरी
जम्मा रु. ३,७४,०००/- (अक्षरुपी तिन लाख चौहत्तर हजार
रुपैयाँ मात्र) रकम लिई सम्पर्क विहीन भई ठगी गरेकोले वैदेशिक रोजगार विभागबाट यस
कार्यालयमा पक्राउ गरी उपस्थित गराइदिन हुन भनी पत्राचार भएकोमा यस कार्यालयबाट
खटिएको प्रहरी टोलीले निज फुलमाया जिरेल लाई खोजतलास गर्ने क्रममा मिति २०८०।०४।१९
गते का.जि.का.म.न.पा. वडा नं. ३१ मिनभवनबाट पक्राउ गरी थप अनुसन्धान तथा कारवाहीको
लागि वैदेशिक रोजगार विभाग ताहाचल, काठमाण्डौं पठाईएको ।
निम्न:
नाम थर : फुलमाया जिरेल
उमेर : २७ वर्ष
वतन : जिल्ला दोलखा जिरी न.पा. वडा नं. ६ घर भई हाल जिल्ला काठमाण्डौं बुढानिलकण्ठ न.पा. वडा नं. ३ ।