कर्तव्य ज्यानका फरार अभियुक्त नाम परिवर्तन गरी नकवजनी चोरी मुद्धामा कारागार रहेको व्यक्ती पहिचान गरी कारवाहीको लागी पठाईएको
२०८०-०४-२९
- A
- A-
- A+
मृतकको नाम :
अप्सरा भन्ने नारायणी तिमिल्सिना
उमेर : ५० बर्ष
पेशा : ज्यामि काम
गर्ने
स्थायी वतन : जि. मकवानपुर
हाँडिखोला -६ परिवर्तित मनहरा गा.पा-३
लाश
फेला परेको मिति : २०७४/०९/३० गते
दिउँसो अन्दाजी ०४:३० बजे
घटना
घटेको सम्भावित मिति : २०७४/०९/२९ बेलुका अं.१०:००-११:०० बजेको समयमा
घटनाको छोटकरी विवरण :
मिति २०७४/०९/३० गते दिउँसो अन्दाजी ०४:३० बजेको समयमा का.जि.का.म.न.पा.-१४
बल्खु भुवनेश्वरी मन्दिर पछाडि बोक्सी दह डाडाँमा नाम थर वतन नखुलेकी बर्ष अन्दाजी
४८/५० की महिलालाई टाउँको र मुखमा गहिरो चोट लागेको अवस्थामा मृत लाश फेला परेको
घटना सम्बन्धमा ।
अनुसन्धान पश्चात खुल्न आएको कुराहरु
Ø मृतकको शरिरको खानतलासी गर्दा सानो किप्याड मोबाईल फेला पारी
मोबाईलमा भएका नम्बर डायल गर्दा आफन्त मार्फत मृतकको सनाखत भएको ।
Ø घटना घटेको दिन मृतकसंग बारम्बार बढी फोन सम्पर्क भएका नम्बरहरुको अनुसन्धान
गर्दै जादा बढी समय फोन सम्पर्क गर्ने मृतकसंगै ज्यामी काम गर्ने जिल्ला धादिङ
मुलपानी घर भएको शिवराम अधिकारी भएको पुष्टी हुन गएको,
Ø शिबराम अधिकारीको खोजतलास गर्दा निज कर्तव्य ज्यान घटना पश्चात भागेको,
परिवारका सदस्यसंग भेटी शिबरामको बारे बुझ्दा मिति २०७४/०९/२९ गते देखी घर नआएको,
परिवारका सदस्यलाई फोन सम्पर्क पनि नगरेको भन्ने जानकारी आए पश्चात शिवरामको
निरन्तर खोजी कार्य भएको,
Ø घटना पश्चात शिबराम अधिकारी जिल्ला उदयपुर कटारी एरिया गई बसेको, केही दिन पश्चात
सिराहाको मिर्चैयाँ एरियामा देखा परेको, त्यसको केही दिन पश्चात मकवानपुर पुगी
केही दिन पछी धादिङ सल्यानटार एरियामा देखा परेको,
Ø घटना पश्चात प्रहरीको निरन्तर खोजतलासका क्रममा उपत्यका अपराध अनुसन्धान
कार्यालयको टोली धादिङ गई खोजी कार्य गर्दा फेला नपरेको,
Ø निरन्तर खोजतलास गर्ने क्रममा निजले पछिल्लो समयमा काठमाण्डौ जिल्ला रामकोट
एरियामा तरकारी टनेल संचालन गर्दै आएको भन्ने सूचना प्राप्त भए पश्चात प्रहरी टोली
त्यो एरियामा गई स्थानिय मानिसहरुलाई शिवरामको फोटो देखाई सनाखत गराउँदा हाल यो
मानिस देखा परेको छैन निजको परिवार बस्ने टहरा र टनेल त्यो हो भनी देखाए पछि त्यो
ठाउँमा गई हेर्दा शिवराम टहरामा फेला नपरेको ,
Ø अनुसन्धान गर्दै जादा शिबरामको श्रीमती नानिमाया अधिकारीले कारागारमा निरन्तर
सम्पर्क गरेको देखिएपछी सो सम्बन्धमा त्यो व्यक्तीको बारेमा बुझ्दै जादा अर्जुन
अधिकारी भन्ने बुझिएको,
Ø शिवरामका आफन्तसंग बुझ्दा थानकोटको चोरी केसमा पक्राउ परि केन्द्रिय कारागार
सुन्धारामा थुनामा रहेको कुरा खुल्न आएको ,
Ø केन्द्रिय कारागारमा पत्राचार गरी निजको बारेमा बुझ्दा मिति २०७९/०७/०६ गते चोरी गर्दा गर्दै थानकोट प्रहरीले पक्राउ गरेको मिति २०७९/०७/२९ गते नकवजनी चोरी मुद्धामा ३ बर्ष कैद सजाय सुनाई अर्जुन अधिकारी नाममा७ केन्द्रिय कारागारमा रहेको भन्ने जानकारी दिएको,
Ø कारागारबाट अर्जुन अधिकारीको फोटो झिकाई निजको श्रीमती र त्रिपुरासुन्दरी गा.पा. का प्रतिनिधीबाट सनाखत गराउदा निज अर्जुन अधिकारी नभई शिवराम अधिकारी हो भनि सनाखत गरिदिएको,
Ø यस कार्यालयको अनुसन्धान पश्चात पिडितको जाहेरी लिई थप अनुसन्धानको लागी
प्रहरी वृत्त कालीमाटीमा पठाइएको ।
पक्राउ ब्यक्ति : (हाल केन्द्रिय कारागार सुन्धारामा रहेको)
नाम :- शिबराम अधिकारी
उमेर :- ४६ वर्ष
वतन :-जिल्ला धादिङ मुलपानी गा.वि.स.
हाल त्रिपुरासुन्दरी गा.पा.-३ तल्लो पोखरा