“ क्यानडा पठाईदिन्छु भनी रकम ठगी गर्ने व्यक्ति पक्राउ ”
२०८०-०५-१०
- A
- A-
- A+
जिल्ला
नवलपरासी देवचुली न.पा. वडा नं. ८ घर भई हाल का.जि.टोखा न.पा. वडा नं. ३ बस्ने वर्ष ३० को समिर आले मगरले महेश पौडेल
समेत २ जनालाई वैदेशिक रोजगारीको लागि क्यानडा पठाईदिन्छु, त्यसको लागि प्रतिब्यक्ति
रु. १५,००,०००/- ( अक्षेरुपी पन्ध्र लाख रुपैयाँ मात्र ) लाग्छ, क्यानडा पुगेपछि
प्रतिष्ठित मार्केटमा काम लगाइदिन्छु, मासिक रु. २,००,०००/- भन्दा धेरै तलव हुन्छ भनी
विश्वास दिलाई प्रलोभनमा पारी निज पीडितहरुबाट पटकपटक गरी जम्मा रु. ५,४५,०००/- (अक्षरुपी पाँच लाख
पैतालिस हजार रुपैयाँ मात्र) रकम लिई सम्पर्क विहीन भई ठगी गरेकोले वैदेशिक रोजगार
विभागबाट यस कार्यालयमा पक्राउ गरी उपस्थित गराइदिन हुन भनी पत्राचार भएकोमा यस कार्यालयबाट
खटिएको प्रहरी टोलीले निज समिर आले मगरको खोजतलास गर्ने क्रममा मिति २०८०।०५।०८
गते अ. १६:००बजेको सममा का.जि.टोखा न.पा. वडा नं. ३ बाट पक्राउ गरी थप अनुसन्धान तथा कारवाहीको लागि वैदेशिक
रोजगार विभाग ताहाचल, काठमाडौँ पठाईएको ।
निम्न:
नाम थर : समिर आले मगर
उमेर : ३० वर्ष
वतन : जिल्ला नवलपरासी देवचुली न.पा. वडा नं. ८ घर भई हाल का.जि.टोखा न.पा. वडा नं. ३ ।