“अध्यागमन अधिकृतलाई सेटिङ मिलाई भिजिट भिषामा विदेश पठाउने ब्यक्तिहरु पक्राउ ”
२०८०-०८-२९
- A
- A-
- A+
भिजिट भिषामा विदेश जान लागेका युवा युवतीहरुलाई नक्कली कागजात बनाई अध्यागमन कार्यालयमा कार्यारत कर्मचारीहरुसँग सेटिङ मिलाई विदेश पठाउने र विदेश पुगेपछि महिलाहरुलाई घरेलु कामदारको रुपमा लगाईने र शोषण समेत हुने र पुरुषहरुले समेत तोकिएको काम नपाई जोखिमपूर्ण काममा लागाईने हुदाँ वैदेशिक रोजगारमा जादा भिजिट भिषा प्रयोग गरी गएका युवा युवतीहरुलाई स्वदेशमा फर्काउन समेत कठिनाई हुने गरेकोमा उक्त कार्य नियन्त्रणको लागि यस कार्यालयबाट अनुसन्धान गरिएको त्यसरी नक्कली कागजातका आधारमा पठाउदा त्रिभुवन अन्तराष्ट्रिय विमानस्थलमा कार्यरत कर्मचारीहरुलाई सेटिङ मिलाई मानव तस्करी गरेको पाईएकोमा यस कार्यालयबाट त्यस विषयमा अनुसन्धान हुदा नक्कली कागजातको आधारमा प्रतिब्यक्ति रु. ४० हजार देखि ५५ हजार सम्म लिई उडाउन सहजता प्रदान गरेको देखिदा मिति २०८०।०८।२७ गते त्रिभुवन अन्तराष्ट्रिय विमानस्थाल अध्यागमन कार्यालयका अधिकृत नर बीर खडकालाई यस कार्यालयबाट नियन्त्रणमा लिई अनुसन्धान गर्दै आएकोमा निज नर बीर खड्का मार्फत ३०० जना सेटिङ मिलाएर पठाएका निमा छिरिङ ट्राभल्सका संचालक मनोज तामाङ ( लामा) र निज कै ट्राभल्समा काम गर्ने निजको सालो नाता पर्ने पदम लामालाई पक्राउ गरी लिखित सम्बन्धी कसुर समेतका अपराधमा आवश्यक कारवाहीको लागि प्रहरी परिसर टेकु पठाईएको ।
१.
नामथर
:
मनोज तामाङ (लामा)
उमेर : ३७ वर्ष
वतन : जिल्ला काभ्रेपलान्चोक पाँचखाल न.पा. वडा नं. ०३ घर भई हाल जिल्ला काठमाण्डौ वौद्ध
कारवाहीको लागि पठाएको
स्थान : प्रहरी परिसर टेकु, काठमाण्डौ ।
(निमा छिरीङ ट्राभल्सका संचालक )
२. नामथर : पदम लामा
उमेर : ३३ वर्ष
वतन : जिल्ला रामेछाप दोरम्भा गा.पा. वडा नं. ०७ घर भई हाल का.जि. गोकर्णेश्वर
कारवाहीको लागि पठाएको स्थान : प्रहरी परिसर टेकु, काठमाण्डौ ।
(निमा छिरीङ ट्राभल्सका कर्मचारी)