“ नक्कली कागजातका आधारमा सेटिङ मिलाई भिजिट भिषामा विदेश पठाई मानव तस्करीमा सघाउने ब्यक्तिहरु पक्राउ ”
२०८०-०९-०५
- A
- A-
- A+
भिजिट
भिषामा विदेश जान लागेका युवा युवतीहरुको शंकास्पद कागजात सहिद राहदानी मिति २०८०।०६।१७
गते देखि हाल सम्म १५१३ थान त्रिभुवन अन्तराष्ट्रिय विमानस्थल सुरक्षा कार्यालयबाट
प्राप्त हुन आएकोमा सो मध्ये २४६ कागजात नक्कली +2 को सर्टिफिकेट , श्रम स्वीकृती , नाता
प्रमाणित , प्रहरी रिपोर्ट र बैंक स्टेटमेण्ट नक्कली देखिएकोमा उक्त कागजातहरु बनाउने
ब्यक्तिहरुको पहिचान गर्ने र उक्त नक्कली
कागजातका आधारमा के-कसरी विदेश पठाईने रहेछ भन्ने विषयमा अनुसन्धान गर्दा एजेन्ट ,
कन्सलटेन्सी , ट्राभल्स एजेन्सीहरुले एयरलाईन्सलाई प्रतिब्यक्ति रु. १०,०००।– देखि १५,०००।– सम्म र अध्यागमनलाई
प्रतिव्यक्ति रु. ४०,०००।– देखि रु. ५५,०००।– सम्म सेटिङ मिलाई विदेश पठाउने खुल्न
आएकोमा सेटिङमा संलग्न ट्राभल्स संचालक बुद्ध बहादुर बल भन्ने बुद्ध लामालाई मिति
२०८०।०८।३० गते अं. १०:०० बजेको समयमा का.जि.का.म.न.पा. वडा नं. १४ बल्खु बाट
र सेटिङ मिलाउने कमलराज हमाललाई मिति २०८०।०९।०२ गते अं. १५:०० बजेको समयमा
का.जि.का.म.न.पा. वडा नं. ९ सिनामंगलबाट पक्राउ गरी थप अनुसन्धान तथा कारवाहीको
लागि प्रहरी बृत्त गौशाला, काठमाण्डौ पठाईएको ।
निम्न:
नाम थर : बुद्ध लामा
उमेर : ३२ वर्ष
वतन : जिल्ला मकवनपुर हेटौडा उप.म.न.पा. वडा नं. १० घर भई हाल का.जि.का.म.न.पा. वडा नं. ६ वौद्ध । एड्भिका टर्स एण्ड ट्राभल्सका संचालक
नाम थर : कमलराज हमाल
उमेर : २६ वर्ष
वतन : जिल्ला हुम्ला सर्केगाड गा.पा. वडा नं. ६ घर भई हाल का.जि. बुढानिलकण्ठ न.पा. वडा नं.१० कपन