“ स्लोवेनिया पठाईदिन्छु भनी रकम ठगी गर्ने व्यक्तिहरु पक्राउ ”
२०८०-०९-१८
- A
- A-
- A+
जिल्ला
धादिङ ज्वालामुखी गा.पा. वडा नं. २ घर भई हाल जिल्ला काठमाण्डौ चन्द्रागिरी न.पा.
वडा नं. १३ बस्ने बर्ष २५ को अजय राज शाही समेत २ जनाले अनिल भुजेललाई वैदेशिक
रोजगारीको लागि स्लोवेनिया पठाईदिन्छु त्यसको लागि रु. ७,००,०००/-( अक्षेरुपी सात
लाख रुपैयाँ ) लाग्छ, स्लोवेनिया पुगेपछि फ्याक्ट्रीमा काम लगाइदिन्छु, मासिक रु. ७०,०००/-
( अक्षेरुपी सत्तरी हजार रुपैयाँ ) भन्दा धेरै तलव हुन्छ भनी विश्वास दिलाई
प्रलोभनमा पारी निज पीडितबाट पटकपटक गरी जम्मा रु. २,८०,०००/- ( अक्षेरुपी दुई लाख
असी हजार रुपैयाँ ) रकम लिई सम्पर्क विहीन भई ठगी गरेकोले यस कार्यालयबाट खटिएको
प्रहरी टोलीले निज अजय राज शाही समेतलाई खोजतलास गर्ने क्रममा मिति २०८०।०९।१७ गते
अं. १:४५ बजेको समयमा का.जि. चन्द्रागिरी न.पा. वडा नं. १३ नैकापबाट पक्राउ
गरी थप अनुसन्धान तथा कारवाहीको लागि
वैदेशिक रोजगार विभाग ताहाचल, काठमाडौँ पठाईएको ।
निम्न:
नाम थर : अजय राज शाही
उमेर : २५ वर्ष
वतन : जिल्ला धादिङ ज्वालामुखी गा.पा. वडा नं. ४ घर भई हाल जिल्ला काठमाण्डौ चन्द्रगिरी न.पा.वडा नं. १३ ।
नामथर : छिमी सुनिन
उमेर : ३५ बर्ष
वतन : जिल्ला गोरखा चुमनुव्री गा.पा. वडा नं. ४ घर भई हाल जिल्ला काठमाण्डौ चन्द्रगिरी न.पा.वडा नं. १३ ।