“सर्बिया पठाईदिन्छु भनी रकम ठगी गर्ने ब्यक्तिहरु पक्राउ”
२०८०-०९-२४
- A
- A-
- A+
जिल्ला
उदयपुर कटारी न.पा. वडा नं. १ घर भई हाल जिल्ला ललितपुर च्यासल बस्ने रमेश घलेको छोरा
वर्ष ४२ को बिकाश कुमार घले र संजय लामा समेतले टोकियो ओभरसिस
दर्ता गरी उक्त ओभरसिसबाट विदेश पठाउने भनी सरिता घलान समेतलाई वैदेशिक रोजगारीको
लागि सर्बिया पठाईदिन्छु त्यसको लागि प्रतिव्यक्ति रु. ९,००,०००/- ( अक्षेरुपी नौं
लाख रुपैयाँ ) लाग्छ, सर्बिया पुगेपछि प्रतिष्ठित होटलमा काम लगाइदिन्छु, मासिक रु. १,००,०००/-(
अक्षेरुपी एक लाख रुपैयाँ ) तलव हुन्छ, भनी
विश्वास दिलाई प्रलोभनमा पारी निज पीडितहरुबाट पटकपटक गरी जम्मा रु. १३,५०,०००/- (अक्षेरुपी तेह्र लाख पच्चास हजार रुपैयाँ ) रकम लिई सम्पर्क विहीन भई ठगी गरेकोले यस कार्यालयबाट खटिएको
प्रहरी टोलीले निज बिकाश कुमार घले र संजय लामाको खोजतलास गर्ने क्रममा मिति
२०८०।०९।२३ गते अं. १५:३५ बजेको समयमा जिल्ला काठमाण्डौ का.म.न.पा. वडा नं. २७ महावौद्धबाट
र मिति २०८०।०९।२२ गते अं. १५:३० बजेको समयमा जिल्ला काठमाण्डौ खा.म.न.पा. वडा नं.
९ सिनामंगलबाट पक्राउ गरी थप अनुसन्धान
तथा कारवाहीको लागि जिल्ला प्रहरी परिसर टेकु, काठमाण्डौं पठाईएको ।
निम्न:
१.नाम थर : बिकाश
कुमार घले
उमेर : ४२ वर्ष
वतन: जिल्ला उदयपुर कटारी न.पा. वडा नं. १ घर भई हाल जिल्ला ललितपुर च्यासल
२.नाम थर : संजय लामा
उमेर : ३९ वर्ष
वतन : जिल्ला काठमाण्डौ का.म.न.पा. वडा नं. ९ सिनामंगल शम्भुमार्ग ( टोकियो ओभरसिसको कर्मचारी )