Cash App, Milky Way, Firekirin, Ultra Panda लगायतका Application मार्फत् विभिन्न खेलहरुमा अनलाईन मार्फत् बाजी राख्दा जितिन्छ भन्ने बिश्वास दिलाई हारजित हुने र आफूले लाभ लिने उद्देश्य राखी रकमको वाजी राख्न लगाई सट्टावाजी गराई खेल खेलाउने गरेको भन्ने गोप्य सूचनाको आधारमा यस कार्यालयबाट खटिएका प्रहरी टोली र PRCB ललितपुरको संयुक्त टोलीले  मिति २०८०।०९।२४ गते पुजन साँवा लगायतका ब्यक्तिहरुलाई Online Casino खेलाउन प्रयोग भएका Laptop तथा मोबाईल सहित उपत्यकाको बिभिन्न स्थानबाट पक्राउ गरी आवश्यक कार्वाहीको लागि प्रहरी परिसर टेकु काठमाण्डौ पठाईएको ।

पक्राउ व्यक्तिहरू :-                 

१.      जिल्ला ताप्लेजुङ मिक्वाखोला गाउँपालिका वडा नं. १ घर भई हाल जिल्ला काठमाण्डौ का.म.न.पा. वडा नं. ३२ कोटेश्वर बस्ने तारा प्रकाश साँवाको छोरा बर्ष २५ को पुजन साँवा ।

२.     जिल्ला सर्लाही बागमती न.पा. वडा नं. ७ घर भई हाल जिल्ला भक्तपुर सुर्यविनायक न.पा. वडा नं. ४ अनामनगर बस्ने नवराज कार्कीको छोरा बर्ष २१ को निशानराज कार्की ।

३.     जिल्ला सर्लाही बरथहवा न.पा. वडा नं. ११ हिरापुर घर भई हाल जिल्ला भक्तपुर सुर्यविनायक न.पा. वडा नं. ४ अनामनगर बस्ने श्याम नारायण गौतमको छोरा बर्ष २५ को निशान गौतम ।