“ दुबई पठाईदिन्छु भनी रकम ठगी गर्ने ब्यक्ति पक्राउ ”
२०८०-०९-२६
- A
- A-
- A+
जिल्ला
सप्तरी विष्णुपुर गा.पा. वडा नं. ६ घर भई हाल जिल्ला काठमाण्डौ का.म.न.पा. वडा नं.
७ सिफल बस्ने बेचु रायको छोरा वर्ष ४२ को ललन कुमार रायले पन्चान्द राय समेत ५ जनालाई वैदेशिक
रोजगारीको लागि दुबई पठाईदिन्छु त्यसको लागि प्रतिव्यक्ति रु. २,२०,०००/- (
अक्षेरुपी दुई लाख बीस हजार रुपैयाँ ) लाग्छ, दुबई पुगेपछि प्रतिष्ठित कम्पनीमा काम लगाइदिन्छु, मासिक रु. ७०,०००/-(
अक्षेरुपी सत्तरी हजार रुपैयाँ ) तलव
हुन्छ भनी विश्वास दिलाई प्रलोभनमा पारी निज पीडितहरुबाट पटक पटक गरी जम्मा रु. ७,२०,०००/- (अक्षेरुपी सात लाख बीस
हजार रुपैयाँ ) रकम लिई सम्पर्क विहीन भई ठगी गरेकोले यस कार्यालयबाट खटिएको
प्रहरी टोलीले निज ललन कुमार रायको खोजतलास गर्ने क्रममा मिति २०८०।०९।२५ गते अं.
१६:०० बजेको समयमा जिल्ला काठमाण्डौ का.म.न.पा. वडा नं. ५ भत्केकोपुलबाट पक्राउ
गरी थप अनुसन्धान तथा कारवाहीको लागि
वैदेशिक रोजगार विभाग ताहाचल, काठमाण्डौं पठाईएको ।
निम्न:
नाम थर : ललन कुमार राय
उमेर : ४२ वर्ष
वतन : जिल्ला सप्तरी विष्णुपुर गा.पा. वडा नं. ६ घर भई हाल जिल्ला काठमाण्डौ का.म.न.पा. वडा नं. ७ सिफल ।