जिल्ला काठमाण्डौ का.म.न.पा. वडा नं. २२ महाबौद्ध एरियामा भिमसेन गौतम समेतका व्यक्तिहरूले नेपाल राष्ट्र बैंकबाट जारी भएको निर्देशन विपरीत हुण्डी मार्फत बित्तिय कारोबार गरिरहेका छन भन्ने विशेष सुचनाको आधारमा यस कार्यालयबाट खटि गएको विशेष प्रहरी टोलिले निज व्यक्तिहरूको निग्रानी राखी खोजतलास गर्दै जाँदा मिति २०८०।०९।२६ गते साँझ अं. १६;०० बजेको समयमा जिल्ला काठमाण्डौ का.म.न.पा. वडा नं. २२ महाबौद्धबाट नियन्त्रणमा लिई आवश्यक कारवाहीको लागि जिल्ला प्रहरी परिसर काठमाण्डौ पठाईएको ।

पक्राउ ब्यक्तिहरु:                                                                    

१.      जिल्ला काभ्रेपलान्चोक चौरीदेउराली गाउँपालिका वडा नं. ५ घर भई हाल जिल्ला काठमाण्डौ कपन बस्ने राम प्रसाद गौतमको छोरा बर्ष ३९ को भिमसेन गौतम ।

२.     जिल्ला चितवन राप्ती न.पा. वडा नं. ४ घर भई हाल जिल्ला काठमाण्डौ सुकेधारा बस्ने निलकण्ठ गौतमको छोरा बर्ष ४२ को राजु गौतम

अनुसन्धानबाट खुल्न आएका कुराहरु

·    भिमसेन गौतमको साथबाट नेपाली रू.१,०००।- दरको नोट ६०० थानको रू..६,००,०००।- र रू.५००।- दरको नोट ४०० थानको रू.२,००,०००।- गरी जम्मा रू.८,००,००००।- फेला परेको ।

·     राजु गौतमको महाबौद्ध स्थित कुमारी आर्केटको २०२ नम्बरको राधाकृष्ण जनरल स्टोरबाट विभिन्न बैंक तथा सहकारीहरुको १७   वटा चेकमा उल्लेखित रकम रु ७,९७,०००।– फेला परेको ।

·  राजु गौतमको महाबौद्ध स्थित कुमारी आर्केटको २०२ नम्बरको राधाकृष्ण जनरल स्टोरबाट नेपाली रू.१,०००।- दरको नोट ३९ थानको रू.३९,०००।- र रू.५००।- दरको नोट १०७२ थानको रू.५,३६,०००।- गरी जम्मा रू.५,७५,०००।- फेला परेको ।