“ ओमन पठाईदिन्छु भनी रकम ठगी गर्ने व्यक्ति पक्राउ ”
२०८०-१०-०८
- A
- A-
- A+
जिल्ला
सिन्धुपाल्चोक मेलम्ची न.पा. वडा नं. ११ घर भई हाल जिल्ला काठमाण्डौ का.म.न.पा. वडा
नं. ०६ वौद्ध बस्ने दिपकराज पण्डेको छोरा बर्ष २५ को उज्वलराज पाण्डेले विवेक
सुनार समेत ३ जनालाई वैदेशिक रोजगारीको लागि ओमन पठाईदिन्छु त्यसको लागि प्रतिव्यक्ति
रु. २,५०,०००/- ( अक्षेरुपी दुई लाख पचास हजार रुपैयाँ ) लाग्छ, ओमन पुगेपछि प्रतिष्ठित
कम्पनीमा काम लगाइदिन्छु, मासिक रु. ६०,०००/-( अक्षेरुपी साठी हजार रुपैयाँ ) तलव हुन्छ भनी विश्वास दिलाई प्रलोभनमा पारी निज
पीडितहरुबाट पटक पटक गरी जम्मा रु. ५,३०,०००/- (अक्षेरुपी पाँच लाख तिस हजार रुपैयाँ ) रकम लिई सम्पर्क विहीन भई ठगी
गरेकोले यस कार्यालयबाट खटिएको प्रहरी टोलीले निज उज्वलराज पाण्डेको खोजतलास गर्ने
क्रममा मिति २०८०।१०।०७ गते अं. १६:०० बजेको समयमा जिल्ला काठमाण्डौ का.म.न.पा.
वडा नं. ०६ वौद्धबाट पक्राउ गरी थप
अनुसन्धान तथा कारवाहीको लागि वैदेशिक रोजगार विभाग ताहाचल, काठमाण्डौं पठाईएको ।
निम्न:
नाम थर : उज्वलराज पाण्डे
उमेर : २५ वर्ष
वतन : जिल्ला सिन्धुपाल्चोक मेलम्ची न.पा. वडा नं. ११ घर भई हाल जिल्ला काठमाण्डौ का.म.न.पा. वडा नं. ०६ वौद्ध ।