“ क्रोएसिया पठाईदिन्छु भनी रकम ठगी गर्ने व्यक्ति पक्राउ ”
२०८०-१०-१०
- A
- A-
- A+
जिल्ला
काठमाण्डौं का.म.न.पा. वडा नं. २३ बसन्तपुर बस्ने विश्वराम श्रेष्ठको छोरा बर्ष ३५
को बिशाल श्रेष्ठले एलिना पख्रिनलाई वैदेशिक रोजगारीको लागि क्रोएसिया पठाईदिन्छु
त्यसको लागि रु. ७,५०,०००/-( अक्षेरुपी सात लाख पचास हजार रुपैयाँ ) लाग्छ, क्रोएसिया
पुगेपछि प्रतिष्ठित होटलमा काम लगाइदिन्छु, मासिक रु. ७०,०००/- ( अक्षेरुपी सत्तरी
हजार रुपैयाँ ) तलव हुन्छ भनी विश्वास दिलाई प्रलोभनमा पारी निज पीडितबाट पटक पटक रु.
१,०४,०००/- ( अक्षेरुपी एक लाख चार हजार रुपैयाँ ) रकम लिई सम्पर्क विहीन भई ठगी
गरेकोले यस कार्यालयबाट खटिएको प्रहरी टोलीले निज बिशाल श्रेष्ठको खोजतलास गर्ने
क्रममा मिति २०८०।१०।०९ गते अं. १५:०० बजेको समयमा जिल्ला काठमाण्डौं का.म.न.पा.
वडा नं. २८ बागबजारबाट पक्राउ गरी थप
अनुसन्धान तथा कारवाहीको लागि वैदेशिक रोजगार विभाग ताहाचल, काठमाण्डौं पठाईएको ।
निम्न:
नाम थर : बिशाल श्रेष्ठ
उमेर : ३५ वर्ष
वतन : जिल्ला काठमाडौं का.म.न.पा. वडा नं. २३ बसन्तपुर ।