“ कतार पठाईदिन्छु भनी रकम ठगी गर्ने व्यक्ति पक्राउ ”
२०८०-१०-१६
- A
- A-
- A+
जिल्ला
सिराहा बिष्णुपुर गा.पा. वडा नं. ०२ घर भई हाल जिल्ला ललितपुर महालक्ष्मी न.पा. वडा
नं. ०४ ईमाडोल बस्ने बाबु राम साहको छोरा बर्ष २४ को मनोज कुमार साहले डम्बर कुमार
पाहिकलाई वैदेशिक रोजगारीको लागि कतार पठाईदिन्छु त्यसको लागि प्रतिव्यक्ति रु. २,९०,०००/-
( अक्षेरुपी दुई लाख नब्बे हजार रुपैयाँ ) लाग्छ, कतार पुगेपछि प्रतिष्ठित कम्पनीमा
काम लगाइदिन्छु, मासिक रु. ४५,०००/-( अक्षेरुपी पैतालीस हजार रुपैयाँ ) तलव हुन्छ भनी विश्वास दिलाई प्रलोभनमा पारी निज
पीडितबाट पटक पटक गरी जम्मा रु. २,९०,०००/- (अक्षेरुपी दुई लाख नब्बे हजार रुपैयाँ ) रकम लिई सम्पर्क विहीन भई ठगी
गरेकोले यस कार्यालयबाट खटिएको प्रहरी टोलीले निज मनोज कुमार साहको खोजतलास गर्ने
क्रममा मिति २०८०।१०।१५ गते अं. १६:३० बजेको समयमा जिल्ला ललितपुर महालक्ष्मी
न.पा. वडा नं. ४ ईमाडोलबाट पक्राउ गरी थप
अनुसन्धान तथा कारवाहीको लागि वैदेशिक रोजगार विभाग ताहाचल, काठमाण्डौं पठाईएको ।
निम्न:
नाम थर : मनोज कुमार साह
उमेर :२४ बर्ष
वतन : जिल्ला सिराहा बिष्णुपुर गा.पा. वडा नं. ०२ घर भई हाल जिल्ला ललितपुर महालक्ष्मी न.पा. वडा नं. ०४ ईमाडोल ।