जिल्ला ललितपुर, नल्लु गा.वि.स.वडा नं.०५ हाल परिवर्तित कन्जोसोम गा.पा.वडा नं.०४ घर भई हाल जिल्ला ललितपुर, ईमाडोल बस्ने वर्ष ३२ को विकाश वाईवा भन्ने सुजन तामाङले का.जि.का.म.न.पा.वडा नं.१६ बालाजु चोँक स्थितमा Euro Wings Education Consultancy संचालन गरी आफूलाई विकाश वाईवाको नक्कली परिचय दिई युरोपियन मुलुक माल्टा, पोल्याण्ड, क्यानडा र क्रोसिया लगायतका देशहरूमा पठाई दिन्छु भनि प्रलोभनमा पारी ६०० जना भन्दा धेरै सर्वसाधारण व्यक्तिहरूबाट करोडौं रकम ठगी गरी बैदेशिक रोजगार कसुर सम्बन्धी मुद्दामा पक्राउ पुर्जी जारी भई फरार रहेका विकाश वाईवा भन्ने सुजन तामाङलाई यस कार्यालयबाट खटिएको बिशेष टोलीले ललितपुर, पुल्चोकबाट मिति २०८०।१०।१७ गते पक्राउ गरी आवश्यक कारवाहीको लागि बैदेशिक रोजगार विभाग, ताहाचल काठमाण्डौं पठाइएको ।

पक्राउ व्यक्ति :

१.     नाम :  विकाश वाईवा भन्ने सुजन तामाङ  

उमेर : ३२ बर्ष

ठेगाना : कन्जोसोम गा.पा.वडा नं. ०४, ललितपुर

हाल : ईमाडोल, ललितपुर

अनुसन्धानको क्रममा खुल्न आएका कुराहरूः-

·       २०७३ सालबाट आयुष मेनपावर लगायत विभिन्न मेनपावरहरूमा ऐजेन्टको रूपमा काम गरेको

·       करिव ५ वर्ष ऐजेन्टको काम गरी विभिन्न व्यक्तिहरूलाई Gulf Country (दुबई, कतार, मलेसिया) मा पठाएको

·       २०७७ सालमा ठगी तथा अपराधिक लाभ सम्बन्धी कसुर मुद्दामा फरार रही नेपाल तथा भारतको विभिन्न स्थानहरूमा लुकी छिपी बसेको  

·       २०८० बैशाख महिनामा आफूलाई विकाश वाईवा भनि नक्कली परिचय दिई बालाजुमा Euro Wings Education Consultancy संचालन गरेको

·       सरकारी निकायका कर्मचारीलाई समेत युरोप पठाउने भनि रकम लिई नक्कली भिषा देखाई जागिर छोड्न लगाएको

·       विकाश वाईवाको नामबाट बैंक खाता खोली आफैले हस्ताक्षर गरी बैंक/वित्तिय तथा अन्य सम्पूर्ण कारोवार गर्ने गरेको

·       Euro Wings Education Consultancy बाट विभिन्न युरोपियन मुलुकहरूमा कामदारको रूपमा पठाउछु भनि मुलुक अनुसार प्रति व्यक्ति रकम निर्धारण गरेको ।

                                            देश                  रकम

                                         क्यानडा     -   रू.१८ लाख

                                         माल्टा       -   रू.८ लाख

                                         पोल्याण्ड   -   रू.७ लाख

                                         क्रोसिया    -   रू.६ लाख ५० हजार

·       ६०० जना भन्दा धेरै सर्वसाधारण व्यक्तिहरूबाट रू.५० हजार देखि रू.५ लाखसम्म रकम लिएको देखिएको

·       उक्त ठगी गरेको रकमबाटः-

§  रू.४ करोड व्यक्तिगत ऋण तिरेको,                                              

§  राप्ति मेनपावर, बसुन्धारामा ५०% सेयर (रू.५० लाख) लगानि,

§  रू.३५ लाखमा हुण्डाईको क्रेटा गाडी खरिद,

§  सुवाश तामाङ (भाई)को खातामा विभिन्न मितिमा रू.१५ लाख ५० हजार जम्मा गरेको,

§  जल विधुत सहकारी संस्थाबाट लिएको रू.१५ लाख ऋण तिरेको,

§  रू.५ लाखको सुनको ब्रास्लेट खरिद गरेको । 

·       बैदेशिक रोजगार विभागका अनुसार हालसम्म ७० जनाको मुद्दा दर्ता भई रू.३,२५,२२,०००।– विगो देखिएको अन्य मुद्दा दर्ताको क्रममा रहेको