“रोमानिया पठाईदिन्छु भनी रकम ठगी गर्ने व्यक्ति पक्राउ”
२०८०-१०-२१
- A
- A-
- A+
जिल्ला
काभ्रेपलान्चोक तेमाल गा.पा. वडा नं. ०१ घर भई हाल जिल्ला काठमाण्डौं तार्केश्वर न.पा.
वडा नं. १० बस्ने नेत्र बहादुर भण्डारीको छोरा बर्ष ३८ को श्याम बहादुर भण्डारीले शरण
बुढाथोकीलाई वैदेशिक रोजगारीको लागि रोमानिया पठाईदिन्छु त्यसको लागि रु. ८,५०,०००/-
( अक्षेरुपी आठ लाख पचास हजार रुपैयाँ ) लाग्छ, रोमानिया पुगेपछि प्रतिष्ठित
कम्पनीमा पेन्टर काम लगाइदिन्छु, मासिक रु. १,००,०००/-( अक्षेरुपी एक लाख रुपैयाँ
) तलव हुन्छ भनी विश्वास दिलाई प्रलोभनमा
पारी निज पीडितबाट पटक पटक गरी जम्मा रु. ५,७४,०००/- (अक्षेरुपी पाँच लाख चौहत्तर हजार रुपैयाँ )
रकम लिई सम्पर्क विहीन भई ठगी गरेकोले यस कार्यालयबाट खटिएको प्रहरी टोलीले निज श्याम
बहादुर भण्डारीको खोजतलास गर्ने क्रममा मिति २०८०।१०।१९ गते अं. १७:०० बजेको समयमा
जिल्ला काठमाण्डौं तार्केश्वर न.पा. वडा नं. १० बाट पक्राउ गरी थप अनुसन्धान तथा कारवाहीको लागि वैदेशिक
रोजगार विभाग ताहाचल, काठमाण्डौं पठाईएको ।
निम्न:
नाम थर : श्याम बहादुर भण्डारी
उमेर : ३८ वर्ष
वतन : जिल्ला काभ्रेपलान्चोक तेमाल गा.पा. वडा नं. ०१ घर भई हाल जिल्ला काठमाण्डौं तार्केश्वर न.पा. वडा नं. १०