“न्युजिल्याण्ड पठाईदिन्छु भनी रकम ठगी गर्ने व्यक्ति पक्राउ”
२०८०-१०-२१
- A
- A-
- A+
जिल्ला
सल्यान सारदा न.पा. वडा नं. ०१ घर भई हाल जिल्ला काठमाण्डौं का.म.न.पा. वडा नं. २६
सामाखुशी बस्ने उमेश बुढाथोकीको छोरा बर्ष ४६ को चन्द्र बहादुर बुढाथोकी समेत २
जनाले खड्ग राज गिरी समेत २ जनालाई वैदेशिक रोजगारीको लागि न्युजिल्याण्ड पठाईदिन्छु
त्यसको लागि प्रतिव्यक्ति रु. १०,००,०००/- ( अक्षेरुपी दश लाख रुपैयाँ ) लाग्छ, न्युजिल्याण्ड
पुगेपछि फुड प्याकिङ काम लगाइदिन्छु, मासिक रु. २,००,०००/-( अक्षेरुपी दुई लाख
रुपैयाँ ) तलव हुन्छ भनी विश्वास दिलाई
प्रलोभनमा पारी निज पीडितहरुबाट पटक पटक गरी जम्मा रु. ११,५०,०००/- (अक्षेरुपी एघार लाख पचास हजार रुपैयाँ ) रकम लिई
सम्पर्क विहीन भई ठगी गरेकोले यस कार्यालयबाट खटिएको प्रहरी टोलीले निज चन्द्र बहादुर
बुढाथोकी समेतको खोजतलास गर्ने क्रममा मिति २०८०।१०।१९ गते अं. १७:०० बजेको समयमा जिल्ला
काठमाण्डौं का.म.न.पा. वडा नं. ३२ नयाँबानेश्वरबाट पक्राउ गरी थप अनुसन्धान तथा कारवाहीको लागि वैदेशिक
रोजगार विभाग ताहाचल, काठमाण्डौं पठाईएको ।
निम्न:
१. नाम थर : चन्द्र बहादुर बुढाथोकी
उमेर : ४६ वर्ष
वतन : जिल्ला सल्यान सारदा न.पा. वडा नं. ०१ घर भई हाल जिल्ला काठमाण्डौं का.म.न.पा. वडा नं. २६ सामाखुशी ।
नाम थर
: टोप बहादुर सेजवाल
उमेर : ३३
वर्ष
वतन : जिल्ला सल्यान सारदा न.पा. वडा नं. ०५ घर भई हाल जिल्ला काठमाण्डौं का.म.न.पा. वडा नं. २ सामाखुशी ।