“क्रोएसिया पठाईदिन्छु भनी रकम ठगी गर्ने व्यक्ति पक्राउ”
२०८०-१०-२३
- A
- A-
- A+
जिल्ला भक्तपुर मध्यपुर ठिमी न.पा. वडा नं. ३ कौशलटार बस्ने सविन प्रजापतीको छोरा बर्ष ३१ को सन्जन प्रजापतीले राम प्रसाद साह समेत ७ जनालाई वैदेशिक रोजगारीको लागि क्रोएसिया पठाईदिन्छु त्यसको लागि प्रतिव्यक्ति रु. १२,००,०००/-( अक्षेरुपी बाह्र लाख रुपैयाँ ) लाग्छ, क्रोएसिया पुगेपछि प्रतिष्ठित होटलमा काम लगाइदिन्छु, मासिक रु. १,००,०००/- ( अक्षेरुपी एक लाख रुपैयाँ ) तलव हुन्छ भनी विश्वास दिलाई प्रलोभनमा पारी निज पीडितहरुबाट पटक पटक गरी जम्मा रु. १४,३५,०००/- ( अक्षेरुपी चौध लाख पैतीस हजार रुपैयाँ ) रकम लिई सम्पर्क विहीन भई ठगी गरेकोले यस कार्यालयबाट खटिएको प्रहरी टोलीले निज सन्जन प्रजापतीको खोजतलास गर्ने क्रममा मिति २०८०।१०।२३ गते अं. १२:०० बजेको समयमा जिल्ला भक्तपुर मध्यपुर ठिमी न.पा. वडा नं. ०३ कौशलटारबाट पक्राउ गरी थप अनुसन्धान तथा कारवाहीको लागि वैदेशिक रोजगार विभाग ताहाचल, काठमाडौं पठाईएको ।
निम्न:
नाम थर : सन्जन प्रजापती
उमेर : ३१ वर्ष
वतन : जिल्ला भक्तपुर मध्यपुर ठिमी न.पा. वडा नं. ३ कौशलटार ।