घटना विवरण :

                   जिल्ला सर्लाही हरिवन न.पा. वडा नं. ०३ घर भई हाल जिल्ला ललितपुर ल.पु.म. न.पा. वडा नं. ९ नख्खु मिलनटोल बस्ने बलिराम सिहंको छोरा बर्ष ३५ को रामेश्वर सिंह समेत २ जनाले राज कुमार बजगाई समेत ५५ जनालाई वैदेशिक रोजगारीको लागि युरोप मुलुक पठाईदिन्छु त्यसको लागि प्रतिव्यक्ति रु. ७,००,०००/-( अक्षेरुपी सात लाख रुपैयाँ ) लाग्छ, युरोप मुलुक पुगेपछि प्रतिष्ठित कम्पनीमा काम लगाइदिन्छु, मासिक रु. १,५५,०००/- ( अक्षेरुपी एक लाख पचपन्न हजार रुपैयाँ ) तलव हुन्छ भनी विश्वास दिलाई प्रलोभनमा पारी निज पीडितहरुबाट पटक पटक गरी जम्मा रु. ६३,००,०००/- ( अक्षेरुपी तिर्सठ्ठी लाख रुपैयाँ ) रकम लिई सम्पर्क विहीन भई ठगी गरेकोले यस कार्यालयबाट खटिएको प्रहरी टोलीले निज रामेश्वर सिंहको खोजतलास गर्ने क्रममा मिति २०८०।१०।२३ गते अं. १७:०० बजेको समयमा जिल्ला ललितपुर ल.पु.म.न.पा. वडा नं. ९  मिलनटोलबाट पक्राउ गरी  थप अनुसन्धान तथा कारवाहीको लागि प्रहरी परिसर टेकु, काठमाडौं पठाईएको ।

                                                    पक्राउ ब्यक्तिहरु:-

१.      नाम थर : सरोज यादव र नागेन्द्र यादव नाम बताउने रामेश्वर सिंह

उमेर      : ३५ वर्ष 

वतन     : जिल्ला सर्लाही हरिवन न.पा. वडा नं. ३ घर भई हाल जिल्ला ललितपुर ल.पु.म. न.पा. वडा नं. ९ नख्खु

                           मिलनटोल ।                                                                                                            

२.      नामथर : सरोज यादव नाम बताउने राम सेवक सिंह 

       उमेर    : २७ बर्ष

वतन   : जिल्ला धनुषा मिथिला न.पा. वडा नं. ०२ नक्टाजिच घर भई हाल जिल्ला ललितपुर लपु.म.न.पा. वडा नं. १८ नख्खु ।

 अनुसन्धानको क्रममा खुल्न आएका कुराहरु:-

·        रामेश्वर सिंह बजाज ओभरसिसमा मिति २०७४ सालदेखि कर्मचारीको रुपमा १ बर्ष काम गरी वैदेशिक काम सिकेको ।

·        मिति २०७४ सालको फाल्गुनमा भेरी ओभरसिस किनेर संचालन गरेकोमा  २०० जनालाई ३ करोड ठगी गरेकोमा १ बर्ष ६ महिना जेल बसेर निस्केको ।

·        भेरी ओभरसिसमा विदेश जान पेश गरेकोमा सरोज यादव नागेन्द्र यादव र गुरुदेव यादवको नागरिकताको प्रमाण प्रत्रमा  आफ्नो ज्वाई नाता पर्ने रामसेवक सिंहको फोटो टासी विराट कन्सलटेन्सी विर्तामोड गडीमाई कन्सलटेन्सी काठमाण्डौं कमलमाई कन्सलटेन्सी दर्ता गरी  ४८ जनाबाट रोमानिया, जर्मनी, अफगानिस्तान, क्रोएसिया पठाउने भनी प्रतिव्यक्ती  ७ लाख सम्म रकम उठाएको ।

·        सरोज यादव, नागेन्द्र यादव र गुरुदेव यादवको नाममा कुमारी बैंक, एन.आई.सी. एसिया बैंक र कामना विकाश वैंकमा खाता खोली कारोबार रामसेवक सिंहबाट गर्ने गरेको ।

·        सरोज यादव, नागेन्द्र यादव र गुरुदेव यादव धनुषा मै रहेको निजहरुलाई आफ्नो नागरिकता दुरुपयोग भै धेरै ब्यक्ति ठगीएको जानकारी नभएको, उहाहरु सबै जना गाउँमा कृषि पेशा गरी बसेको ।

·        पिडितहरुले सरोज यादव, नागेन्द्र यादवका विरुद्धमा वैदेशिक रोजगार विभागमा जाहेरी दिएकोमा यस कार्यालयबाट निजहरुलाई खोज्ने क्रममा अनुसन्धान  गर्दै  जादा ठगी कार्यमा रामेश्वर सिंहले आफ्नो  ज्वाई नाता पर्ने  राम सेवक सिंह को फोटो टासी उल्लेखित  व्यक्तिको नागरिकता दुरुपयोग गरेको खुल्न आएको ।

·        निज रामेश्वर सिंहलाई २०७४ सालमा ठगी मुद्धा चली १ बर्ष ६ महिना कैद भएको ।

·        मिति २०७८ सालमा ठगी मुद्धामा  फरार रहेको

·        मिति  २०७९ सालमा सिन्धुली जिल्लामा लागु औषध मुद्धा चली २४ दिन कैद र  २००० जरीवाना भएको ।

·        निजहरुको साथबाट विभिन्न ब्यक्तिको नाममा काटिएको ६० लाख बराबरको २५ थान चेक र ९ वटा सिम कार्ड फेला परेको ।

·        निजहरु उपर ठगी, किर्ते जालसाजी, बैकिङ कसुर लगायतका  अपराध मुद्धामा अनुसन्धान हुने ।