“ विभिन्न बहानामा करोडौ ठगी गर्ने व्यक्तिहरु पक्राउ ”
२०८०-११-०२
- A
- A-
- A+
घटना
विवरण :
सुनका
गरगहना विदेशमा निर्यात गर्दछौं भनी जिल्ला काभ्रेपलान्चोक भुम्लु घर भई जिल्ला
कास्की बस्ने कुमार थापाले पोखराको विभिन्न व्यवसायीहरुसँग सुन खरिद गरी विश्वासमा
पारी प्रलोभन देखाई ठुलो मात्रामा ठगी गरेकोमा
विरेन्द सुनारले जि.प्र.का. कास्कीमा २ करोड विगोको मुद्धा दर्ता गरिएकोमा जि.प्र.का. कास्कीले यस कार्यालयमा
पक्राउको लागी पत्राचार गरेकोमा कुमार थापालाई पक्राउ गरिएको । निज कुमार थापालाई
नियन्त्रणमा लिई अनुसन्धान गर्दा ठगी गर्ने कार्यमा मिना दमै, रविन कुमार थापा र
दिलीप कुमार लाभको समेत संग्लनता देखिएको र निजहरुको CRS Report हेर्दा बिभिन्न अपराधमा फरार देखिएकोमा
मिना दमैलाई जिल्ला भक्तपुर सल्लाघारीबाट नियन्त्रणमा लिई जि.प्र.का. कास्कीमा १
करोड ७० लाख ५९ हजार को विगो रहेको देखिदा उक्त कार्यालयमा आवश्यक कारवाहीको लागी पठाईएको
एवम् निजले चितवनमा समेत १ करोड ३६ लाख ठगी गरेको देखिएको । रविन कुमार थापाको
चितवन जिल्लामा ४ वटा वैंकिङ कसुर तथा ठगी मुद्धामा २ करोड ४५ लाख ठगी गरेको
देखिएको एवम् जि.प्र.का. काठमाण्डौंमा ३
वटा मुद्धामा फरार रहेको देखिदा आवश्यक कारवाहीको लागी जि.प्र.का. चितवन पठाइएको र
दिलीप कुमार लाभलाई २ वटा मुद्धामा फरार देखिएकोमा जिल्ला अदालत काठमाण्डौं
पठाइएकोमा निजले सर्वोच्च अदालतबाट वन्दी प्रत्यक्षीकरणको
रिटबाट जरीवाना दाखिला गरेको देखिदा छाडिएको ।
अनुसन्धान क्रममा खुल्न आएका कुराहरु:-
·
पोखराका सुनचाँदी पसलमा
पहिलो पटक १० लाख, दोस्रो पटक २० लाख, तेस्रो पटक ५० लाखका गहना खरीद गरी विश्वास
जितेपछि १ करोड ८० लाखका गहना वाहिर निर्यात गर्ने भनी लिई चेक दिई योजना बद्ध
रुपमा ठगी गरी फरार रहेको ।
·
भक्तपुर सुडालमा अरु
व्यक्तिको नाममा रहेको जग्गा दिलाई दिने भनी दिलीप कुमार लाभले बैना गरी उक्त
जग्गा परिवार अटो मोवाइलका संचालकसँग ३ वटा
निसान किक्स गाडी संचालकबाट २६ लाख रकम लिई १२ आना जग्गा दिन्छु भनी
नदिई सम्पर्क विहीन भएको ।
·
परिवार अटो मोवाइल
प्रा.लि. बाट प्र.०१-०२३-०१४४ नम्वरको निसान किक्स गाडी ५४ लाख ५० हजार मुल्य तय
गरी लिएकोमा रकम नतिरी बेपत्ता भएकोले
निजहरुलाई पक्राउ गरेको थाहा पाई उक्त कम्पनीले यस कार्यालयमा निवेदन
दिएकोमा दिलीप कुमार लाभबाट कम्पनीलाई गाडी फिर्ता दिलाइएको ।
·
चितवनमा जग्गा दिन्छु भनी अन्य व्यवसायीहरुको जग्गा बैना गरी १ करोड ३६ लाख ठगी गरेको पाइएको ।
·
मिना दमै उपर जि.प्र.का. कास्कीमा ७ वटा ठगी
मुद्धा दर्ता भएको र चितवनमा २ वटा मुद्धा दर्ता भएकोमा फरार रहेको ।
·
कुमार थापा विरुद्ध जि.प्र.का.
कास्कीमा २ करोड वैंकिङ कसुर मुद्धा दर्ता भएकोमा फरार रहेको ।
·
रविन कुमार थापा
जि.प्र.का. चितवनमा ४ वटा मुद्धा र काठमाण्डौंमा ३ वटा मुद्धा दर्ता भई फरार रहेको
।
·
कुमार थापाले मिना
दमैलाई देखाई निजको नामको चेक दिने र निज
बाटै कारोबार गर्ने र महिलाबाट कारोबार गर्दा विश्वास पार्न महिला प्रयोग गर्ने
देखिएको ।
·
निजहरु ४ जनाले समुह बनाई विभिन्न बहानामा विभिन्न
व्यक्तिहरुलाई ठगी गर्ने र ठगी गर्ने क्रममा
सुनका गहना, गाडी र जग्गाको कारोबार गर्ने
देखाई विश्वासमा पार्न ठुलो कारोबार भएको देखाउने गरेको ।
पक्राउ
व्यक्तिहरु:-
१. नाम थर : कुमार थापा
उमेर : ३३ वर्ष
वतन : जिल्ला काभ्रेपलान्चोक भुम्लु गा.पा. वडा नं.
०३
हाल : जिल्ला कास्की पोखरा म.न.पा. वडा नं. ३०
ढुङ्गेपाटन ।
मुद्धा : वैंकिङ कसुर मुद्धा ( विगो २ करोड )
पक्राउ मिति : २०८०।१०।२८ गते अं. १७:०० बजे जिल्ला भक्तपुर
कमलबिनायक ।
पठाइएको स्थान : जि.प्र.का. कास्की ।
२.
नाम
थर : मिना दमै
उमेर : ४२ बर्ष
वतन : जिल्ला
स्याङजा पुतलीबजार न.पा. वडा नं. ०४
हाल : जिल्ला
कास्की लेखनाथ न.पा. वडा नं. ३० ।
मुद्धा :
वैंकिङ कसुर एवम् ठगी मुद्धा ( विगो ३ करोड ६५ लाख ५९ हजार )
फरार मुद्धा
संख्या : ९ वटा
पक्राउ मिति :
मिति २०८०।१०।२९ गते अं. १६:०० बजे जि.भ. सुर्यविनायक न.पा. वडा ०५ सल्लाघारी ।
पठाइएको स्थान : जि.प्र.का. कास्की ।
३.
नाम
थर : रविन कुमार थापा
उमेर : ४३ बर्ष
वतन :
जिल्ला सिन्धुली गोलन्जोर गा.पा. वडा नं. ०५ खनियाखर्क ।
हाल :
जिल्ला काठमाण्डौं कागेश्वरी मनोहरा न.पा. वडा नं. ०८ ।
मुद्धा : वैंकिङ
कसुर एवम् ठगी मुद्धा ( विगो २ करोड
६०लाख )
फरार मुद्धा संख्या
: ७ वटा
पक्राउ मिति :
मिति २०८०।१०।२९ गते अं. १८:०० बजे का.जि.का.म.न.पा. वडा नं. ०९ सिनामंगल
।
पठाइएको स्थान :
जि.प्र.का. चितवन ।
४.
नाम
थर: दिलीप कुमार लाभ
उमेर: ३९
वतन : जिल्ला
सप्तरी सप्तकोशी न.पा. वडा नं. ०६ बोहोचे
हाल : जिल्ला काठमाण्डौं
का.म.न.पा. वडा नं.०९ सिनामंगल ।
मुद्धा : वैंकिङ
कसुर मुद्धा ( विगो ११ लाख )
पक्राउ मिति : मिति
२०८०।१०।२९ गते अं. १८:०० बजे का.जि.का.म.न.पा. वडा नं. ०९ सिनामंगल
।
पठाइएको स्थान
:जिल्ला अदालत काठमाण्डौं ।
·
निजहरु
४ जनाबाट ठगी भएको रकम विगो जम्मा ७ करोड ७७ लाख ५९ हजार ।