“ माल्दोवा पठाईदिन्छु भनी रकम ठगी गर्ने व्यक्ति पक्राउ ”
२०८०-११-११
- A
- A-
- A+
जिल्ला
जिल्ला ओखलढुंगा खिजिदेम्बा गा.पा. वडा नं. ०७ बस्ने एक बहादुर बस्नेतको छोरा बर्ष
६७ को दल बहादुर बस्नेतले गणेश थापा समेत ४ जनालाई वैदेशिक रोजगारीको लागि माल्दोवा
पठाईदिन्छु, त्यसको लागि प्रतिव्यक्ति रु. १२,००,०००/-( अक्षेरुपी बाह्र लाख रुपैयाँ
) लाग्छ, माल्दोवा पुगेपछि प्रतिष्ठित कम्पनीमा सेक्युरिटी गार्ड काम लगाइदिन्छु, मासिक
रु. २,२०,०००/- ( अक्षेरुपी दुई लाख बीस हजार रुपैयाँ ) तलव हुन्छ भनी विश्वास दिलाई
प्रलोभनमा पारी निज पीडितहरुबाट पटक पटक गरी जम्मा रु. २४,००,०००/- ( अक्षेरुपी चौबीस
लाख रुपैयाँ ) रकम लिई सम्पर्क विहीन भई ठगी गरेकोले यस कार्यालयबाट खटिएको प्रहरी
टोलीले जि.प्र.का. पर्सासँग समन्वय गरी निज दल बहादुर बस्नेतको खोजतलास गर्ने
क्रममा मिति २०८०।११।१० गते अं. १६:०० बजेको समयमा जिल्ला पर्सा वीरगंज म.न.पा.
वडा नं. १३ राधेमाईबाट पक्राउ गरी थप अनुसन्धान तथा कारवाहीको लागि वैदेशिक रोजगार
विभाग ताहाचल, काठमाण्डौं पठाईएको । साथै निजले गोरखा जिल्ला प्रशासन कार्यालयबाट
रुद्र बहादुर ढकालको नाममा समेत नागरिकता लिई बिभिन्न परिचय देखाई ठगी गरेको हुन
सक्ने हुँदा सो बिषयमा समेत अनुसन्धान जारी राखिएको ।
निम्न:
नाम थर : दल
बहादुर बस्नेत
उमेर : ६७ वर्ष
वतन : जिल्ला जिल्ला ओखलढुंगा खिजिदेम्बा गा.पा. वडा नं. ०७ ।