“ डलर देखाई ठगी गर्ने गिरोहका मुख्य योजनाकार सहित तिन जना पक्राउ ”
२०८०-११-१३
- A
- A-
- A+
उपत्यकाको विभिन्न
स्थानहरुबाट विभिन्न व्यक्तिहरुलाई फोन सम्पर्क गरी सस्तो दरमा अमेरिकन डलर छ, हामी मिलाई दिन्छौ
भनि प्रलोभन देखाई डलरको आकारमा काटिएको कागजको बिटो रुमालमा पोको पारेर दिई
नेपाली नगद रूपैया ठगी गर्ने कार्यमा मुख्य योजनाकारको रुपमा रहेका जिल्ला
सिन्धुपाल्चोक बाह्रविसे न.पा. वडा नं. ५ गाती घर भएका राम बहादुर तामाङ सहित ३ जनालाई
यस कार्यालयबाट खटिएको प्रहरी टोलिले मिति २०८०/११/१२ गते साँझको समयमा का.जि.
गोकर्णेश्वर न.पा. ४ तालिन्चोकबाट ने.रू. ७१,०००।– अमेरीकी डलर ६०७।– USD सहित पक्राउ गरी थप अनुसन्धानको लागि जिल्ला प्रहरी परिसर टेकु काठमाण्डौ
पठाईएको ।
साथै डलर ठगी कार्यमा डलर मिलाई
दिने ब्यक्ति ( फरेन
एक्सचेन्ज सेन्टर प्रा.लि.का सञ्चालक ) शंकर रेग्मीको साथ बाट ने.रु ३,०६,५०० ।- र अमेरीकन डलर
५८३ USD लगायत अन्य बिदेशी मुद्राहरु बरामद गरिएको ।
पक्राउ ब्यक्ति:
१.
जिल्ला सिन्धुपाल्चोक
बाह्रविसे न.पा.वडा नं. ५ घर भई हाल जिल्ला काठमाण्डौ गोकर्णेश्वर न.पा. वडा नं.४
बस्ने बर्ष ६० को राम बहादुर तामाङ ।
२. जिल्ला सिन्धुपाल्चोक चौतारा साँगाचोकगढी न.पा. वडा नं. ३ घर भई हाल जिल्ला काठमाण्डौ गोकर्णेश्वर न.पा. वडा नं.१ बस्ने बर्ष ५१ को बिबि तामाङ ।
३. जिल्ला रौतहट चन्द्रपुर न.पा.वडा नं. ७ घर भई हाल जिल्ला काठमाण्डौ का.म.न.पा.वडा नं.२६ गल्कुपाखा बस्ने बर्ष ३७ को ( फरेन एक्सचेन्ज सेन्टर प्रा.लि.का सञ्चालक ) शंकर रेग्मी ।