“ माल्टा पठाईदिन्छु भनी रकम ठगी गर्ने मेनपावर संचालक पक्राउ ”
२०८०-११-१६
- A
- A-
- A+
जिल्ला
तनहुँ ब्यास न.पा. वडा नं. १० घर भई हाल जिल्ला काठमाण्डौं का.म.न.पा. वडा नं. २९ सामाखुशी
बस्ने शंकर गिरी क्षेत्रीको छोरी पाथिभारा एच.आर. प्रा.लि. का संचालक बर्ष ३४ की गोमा
गिरी क्षेत्रीले राज कुमार थापालाई वैदेशिक रोजगारीको लागि माल्टा पठाईदिन्छु,
त्यसको लागि रु. १४,००,०००/-( अक्षेरुपी चौध लाख रुपैयाँ ) लाग्छ, माल्टा पुगेपछि प्रतिष्ठित
कम्पनीमा काम लगाइदिन्छु, मासिक रु. १,५०,०००/- ( अक्षेरुपी एक लाख पचास हजार रुपैयाँ
) तलव हुन्छ भनी विश्वास दिलाई प्रलोभनमा पारी निज पीडितबाट पटक पटक गरी जम्मा रु.
१४,००,०००/- ( अक्षेरुपी चौध लाख रुपैयाँ ) रकम लिई सम्पर्क विहीन भई ठगी गरेकोले
पक्राउ गरी पठाईदिन भनी वैदेशिक रोजगार विभागको पत्र यस कार्यालयमा प्राप्त हुन
आएकोमा यस कार्यालयबाट खटिएको प्रहरी टोलीले निज गोमा गिरी क्षेत्रीको खोजतलास
गर्ने क्रममा मिति २०८०।११।१४ गते अं. १३:०० बजेको समयमा जिल्ला काठमाण्डौं का.म.न.पा.
वडा नं. ०४ सुकेधाराबाट पक्राउ गरी थप अनुसन्धान तथा कारवाहीको लागि वैदेशिक
रोजगार विभाग ताहाचल, काठमाण्डौं पठाईएको ।
पक्राउ ब्यक्ति:-
नाम थर : गोमा गिरी क्षेत्री
उमेर : ३४ वर्ष
वतन : जिल्ला तनहुँ ब्यास न.पा. वडा नं. १० घर भई हाल जिल्ला काठमाण्डौं का.म.न.पा. वडा नं. २९ सामाखुशी ।