“मलेसिया पठाईदिन्छु भनी रकम ठगी गर्ने पक्राउ”
२०८०-११-१७
- A
- A-
- A+
जिल्ला
सिन्धुली कमलमाई न.पा. वडा नं. ११ घर भई हाल जिल्ला काठमाण्डौं गोकर्णेश्वर न.पा.
वडा नं. ०५ नयाँबस्ती बस्ने राम बहादुर पहाडीको छोरी गणेश बहादुर कार्कीको श्रीमती
बर्ष ३७ की अस्मिता कार्कीले कान्छा बल समेत ३ जनालाई वैदेशिक रोजगारीको लागि मलेसिया
पठाईदिन्छु, त्यसको लागि प्रतिव्यक्ति रु. ३,५०,०००/-( अक्षेरुपी तीन लाख पचास
हजार रुपैयाँ ) लाग्छ, मलेसिया पुगेपछि प्रतिष्ठित कम्पनीमा काम लगाइदिन्छु, मासिक
रु. ६०,०००/- ( अक्षेरुपी साठी हजार रुपैयाँ ) तलव हुन्छ भनी विश्वास दिलाई
प्रलोभनमा पारी निज पीडितहरुबाट पटक पटक गरी जम्मा रु. २,१०,०००/- ( अक्षेरुपी दुई
लाख दश हजार रुपैयाँ ) रकम लिई सम्पर्क विहीन भई ठगी गरेकोले यस कार्यालयबाट खटिएको
प्रहरी टोलीले निज अस्मिता कार्कीको खोजतलास गर्ने क्रममा मिति २०८०।११।१६ गते अं.
१४:०० बजेको समयमा जिल्ला काठमाण्डौं गोकर्णेश्वर न.पा. वडा नं. ०५ नयाँबस्तीबाट
पक्राउ गरी थप अनुसन्धान तथा कारवाहीको लागि वैदेशिक रोजगार विभाग ताहाचल, काठमाण्डौं
पठाईएको ।
पक्राउ ब्यक्ति:-
नाम थर : अस्मिता कार्की
उमेर : ३७ वर्ष
वतन : जिल्ला
सिन्धुली कमलमाई न.पा. वडा नं. ११ घर भई हाल जिल्ला काठमाण्डौं गोकर्णेश्वर न.पा.
वडा नं. ०५
नयाँबस्ती ।