“ पोर्चुगल पठाईदिन्छु भनी रकम ठगी गर्ने व्यक्ति पक्राउ ”
२०८०-११-२१
- A
- A-
- A+
जिल्ला
दाङ लमही न.पा. वडा नं. ०५ घर भई हाल जिल्ला ललितपुर भैसेलपाटी बस्ने पदम प्रसाद
भण्डारीको छोरा बर्ष २९ को कमल प्रसाद
भण्डारीले मन्जु रावत घर्ती समेत २ जनालाई वैदेशिक रोजगारीको लागि पोर्चुगल पठाईदिन्छु,
त्यसको लागि प्रतिव्यक्ति रु. १५,००,०००/-( अक्षेरुपी पन्ध्र लाख रुपैयाँ ) लाग्छ,
पोर्चुगल पुगेपछि प्रतिष्ठित कम्पनीमा काम लगाइदिन्छु, मासिक रु. १,५०,०००/- (
अक्षेरुपी एक लाख पचास हजार रुपैयाँ ) तलव हुन्छ भनी विश्वास दिलाई प्रलोभनमा पारी
निज पीडितहरुबाट पटक पटक गरी जम्मा रु. १८,६४,०००/- ( अक्षेरुपी अठार लाख चौसठ्ठी
हजार रुपैयाँ ) रकम लिई सम्पर्क विहीन भई ठगी गरेकोले यस कार्यालयबाट खटिएको
प्रहरी टोलीले निज कमल प्रसाद भण्डारीको खोजतलास गर्ने क्रममा मिति २०८०।११।२० गते
अं. १३:०० बजेको समयमा जिल्ला काठमाण्डौं का.म.न.पा. वडा नं. ३१ मिनभवनबाट पक्राउ
गरी थप अनुसन्धान तथा कारवाहीको लागि वैदेशिक रोजगार विभाग ताहाचल, काठमाण्डौं
पठाईएको ।
पक्राउ ब्यक्ति:-
नाम थर : कमल प्रसाद भण्डारी
उमेर : २९ वर्ष
वतन : जिल्ला दाङ लमही न.पा. वडा नं. ०५ घर भई हाल जिल्ला ललितपुर भैसेलपाटी ।