“भिजिट भिषामा सेटिङ मिलाई रसिया पठाई रकम ठगी गर्ने व्यक्ति पक्राउ”
२०८०-११-२२
- A
- A-
- A+
जिल्ला
लम्जुङ दुधपोखरी गा.पा. वडा नं. ०१ घर भई हाल जिल्ला काठमाण्डौं टोखा न.पा. वडा
नं. ११ बाँनियाटार बस्ने कुलमान गुरुङको छोरी प्रेम बहादुर गुरुङको श्रीमती बर्ष ३०
की बिनिता गुरुङले SLC फेल भएका भिम
बहादुर बुढालाई वैदेशिक रोजगारीको लागि रसिया पठाईदिन्छु, त्यसको लागि रु. ६,५०,०००/-(
अक्षेरुपी छ लाख पचास हजार रुपैयाँ ) लाग्छ, रसिया पुगेपछि रसिया सैनिकमा काम लगाइदिन्छु,
मासिक रु. ३,००,०००/- ( अक्षेरुपी तीन लाख रुपैयाँ ) तलव हुन्छ भनी विश्वास दिलाई
प्रलोभनमा पारी निज पीडितबाट पटक पटक गरी जम्मा रु. ३,४६,०००/- ( अक्षेरुपी तीन लाख
छयालीस हजार रुपैयाँ ) र U.S $ 1000 रकम लिई सम्पूर्ण भिजिट
भिषामा चाहिने सर्टिफिकेट लगायतका कागजातहरु बनाई दिएको र एक हजार डलर साटेको
देखाई उक्त डलर बसपार्कबाट आफै लिई त्रिभुवन अन्तराष्ट्रिय विमानस्थलमा सेटिङ
मिलाएर निजलाई रसिया पठाएको । निजलाई रसिया पुगे पश्चात एयरपोर्टबाटै नक्कली
कागजात भएको भनी फिर्ता पठाईएको । तत्पश्चात पिडितले वैदेशिक रोजगार विभाग आई
निवेदन दिएकोमा ठगि गरी फरार रहेकी बिनिता गुरुङको यस कार्यालयबाट खटिएको प्रहरी
टोलीले खोजतलास गर्ने क्रममा मिति २०८०।११।२१ गते अं. १६:०० बजेको समयमा जिल्ला काठमाण्डौं
टोखा न.पा. वडा नं. ११ बाँनियाटारबाट पक्राउ गरी थप अनुसन्धान तथा कारवाहीको लागि
वैदेशिक रोजगार विभाग ताहाचल, काठमाण्डौं पठाईएको ।
पक्राउ
ब्यक्ति:-
नाम थर : बिनिता गुरुङ
उमेर : ३० वर्ष
वतन : जिल्ला
लमजुङ दुधपोखरी गा.पा. वडा नं. ०१ घर भई हाल जिल्ला काठमाण्डौं टोखा न.पा. वडा नं.
११ बाँनियाटार