जिल्ला सप्तरी कन्चनरुप गा.पा. वडा नं. ०८ घर भएको रामचन्द्र साहको छोरा बर्ष ४१ को टोकनाथ साहले नेपाल बैंक लिमिटेडमा नक्कली सुन धितो राखी रु ४ करोड १४ लाख ८४ हजार कर्जा लिई उक्त कर्जा नतिरी फरार रहेकोमा निजलाई सम्मानित उच्च अदालत विराटनगरबाट ९८ लाख ८५ हजार ५ सय ६४ रुपैयाँ विगो र ३ वर्ष कैदको फैसला भएको साथै निजले लव वलि समेत विभिन्न व्यक्तिहरुलाई अमेरिका पठाउने भनी रु. १,००,००,०००।–( अक्षेरुपी एक करोड रुपैयाँ ) ठगी गरी फरार भएकोमा निज टोकनाथ साहलाई मिति २०८०।११।२८ गते बिहान ०७:०० बजे जिल्ला काठमाण्डौं का.म.न.पा. वडा नं. ०६ वौद्ध हयात होटलबाट यस कार्यालयबाट खटिएको प्रहरी टोलीले पक्राउ गरेकोमा निजबाट निम्न कुराहरु खुल्न आएको र आवश्यक कारवाहीको लागि जिल्ला अदालत काठमाण्डौं पठाइएको ।

 निम्न:-

·    निजले नेपाल बैंक लिमिटेडमा नक्कली सुन धितो राखेर ४ करोड १४ लाख ८४ हजार कर्जा लिई नेपाल बैंक लि. लाई सो रकम भुक्तानी नगरेकोले निजलाई सम्मानित उच्च अदालत विराटनगरबाट ९८ लाख ८५ हजार ५ सय ६४ रुपैयाँ विगो र ३ बर्ष कैदको फैसला भएको देखिएकोमा तत्काल फैसला कार्यान्वयनको लागि जिल्ला अदालत काठमाण्डौं पठाइएको ।   

·       टोकनाथ साहले बेरोजगार युवा युवतीहरुलाई बिदेश पठाउने प्रलोभनमा पार्ने आफ्नो जीवन शैली रवाफपुर्ण देखाउने, आफु अमेरिकाका सम्पूर्ण ठाउ घुमे जसरी व्याख्या गर्ने कोटा थोरै भएकोले पहिला जो आउछ उही जान्छ भनी आफुलाई एकदम व्यस्त देखाउने र पिडितलाई प्रभावमा पारी ठगी गर्ने गरेको ।

·  आफुलाई दिपक सोनी भनेर पनि चिनाउने र विभिन्न व्यक्तिलाई प्रयोग गर्ने, बिभिन्न कम्पनीका १५ (पन्ध्र) थान सिम प्रयोग गरेको खुल्नआएको ।

पक्राउ ब्यक्ति:-

नाम थर : टोकनाथ साह

उमेर     : ४१ वर्ष

वतन    : जिल्ला सप्तरी कन्चनरुप न.पा. वडा नं. ०८ घर भई हाल जिल्ला काठमाण्डौं का.म.न.पा. वडा नं. ०६ वौद्ध ।