“दुबई पठाईदिन्छु भनी रकम ठगी गर्ने व्यक्ति पक्राउ”
२०८०-१२-०१
- A
- A-
- A+
जिल्ला
तनहुँ बन्दिपुर न.पा. वडा नं. ०५ घर भई हाल जिल्ला काठमाण्डौं मैतीदेवी बस्ने चित्र
बहादुर भण्डारीको छोरा बर्ष ४५ को विष्णु बहादुर भण्डारीले राज कुमार कुमाललाई वैदेशिक
रोजगारीको लागि दुबई पठाईदिन्छु, त्यसको लागि रु. ७,००,०००/-( अक्षेरुपी सात लाख रुपैयाँ
) लाग्छ, दुबई पुगेपछि प्रतिष्ठित कम्पनीमा काम लगाइदिन्छु, मासिक रु. ७०,०००/- (
अक्षेरुपी सत्तर हजार रुपैयाँ ) तलव हुन्छ भनी विश्वास दिलाई प्रलोभनमा पारी निज
पीडितबाट पटक पटक गरी जम्मा रु. २,५०,०००/- ( अक्षेरुपी दुई लाख पचास हजार रुपैयाँ
) रकम लिई सम्पर्क विहीन भई ठगी गरेकोले यस
कार्यालयबाट खटिएको प्रहरी टोलीले निज विष्णु बहादुर भण्डारीको खोजतलास गर्ने
क्रममा मिति २०८०।११।३० गते अं. १४:०० बजेको समयमा जिल्ला काठमाण्डौं का.म.न.पा.
वडा नं. ०९ बतिसपुतलीबाट पक्राउ गरी थप अनुसन्धान तथा कारवाहीको लागि वैदेशिक
रोजगार विभाग ताहाचल, काठमाण्डौं पठाईएको ।
पक्राउ
ब्यक्ति:-
नाम थर : विष्णु बहादुर भण्डारी
उमेर : ४५ वर्ष
वतन : जिल्ला
तनहुँ बन्दिपुर न.पा. वडा नं. ०५ घर भई हाल जिल्ला काठमाण्डौं मैतीदेवी ।