“ चेक रिपब्लिक पठाईदिन्छु भनी रकम ठगी गर्ने व्यक्ति पक्राउ ”
२०८०-१२-०५
- A
- A-
- A+
जिल्ला
काठमाण्डौं बुढानिलकण्ठ न.पा वडा नं. ०५ बस्ने दुर्गा बहादुर तामाङको छोरा वर्ष २७
को संजिभ तामाङले मिरा तामाङ समेत ११ जनालाई वैदेशिक रोजगारीको लागि चेक रिपब्लिक पठाईदिन्छु,
त्यसको लागि प्रतिब्यक्ति रु. १२,५०,०००/-( अक्षेरुपी बाह्र लाख पचास हजार रुपैयाँ
) लाग्छ, चेक रिपब्लिक पुगेपछि प्रतिष्ठित
कम्पनीमा काम लगाइदिन्छु, मासिक रु. १,२०,०००/- ( अक्षेरुपी एक लाख बीस हजार रुपैयाँ
) तलव हुन्छ भनी विश्वास दिलाई प्रलोभनमा पारी निज पीडितहरुबाट पटक पटक गरी जम्मा
रु. २९,००,०००/- ( अक्षेरुपी उन्नतीस लाख रुपैयाँ ) रकम लिई सम्पर्क विहीन भई ठगी गरेकोले यस कार्यालयबाट खटिएको
प्रहरी टोलीले निज संजिभ तामाङको खोजतलास गर्ने क्रममा मिति २०८०।१२।०४ गते अं. १३:००
बजेको समयमा जिल्ला काठमाण्डौं बढानिलकण्ठ न.पा. वडा नं. ११ कपनबाट पक्राउ गरी थप
अनुसन्धान तथा कारवाहीको लागि वैदेशिक रोजगार विभाग ताहाचल, काठमाण्डौं पठाईएको ।
पक्राउ
ब्यक्ति:-
नाम थर : संजिभ तामाङ
उमेर : २७ वर्ष
वतन : जिल्ला काठमाण्डौं बुढानिलकण्ठ न.पा वडा नं. ०५ ।