वैदेशिक रोजगारीका लागि अमेरिका तथा क्यानडा लगायतका देशहरुमा पठाइदिन्छौं भनि विभिन्न तवरले  विश्वास दिलाई राहदानी, फोटो, Police Report, बैंक स्टेटमेन्ट, Covid QR Code, Yellow Fever Card समेतका कागजातहरु लिई आफ्नो तथा अन्य व्यक्तिको बैंक खातामा पटक पटक गरी नगद जम्मा गर्न लगाई तथा नगदै रकम समेत लिई दुबई हुँदै केन्यासम्म जाने हवाई टिकट दिई केन्यामा पुर्‍याई साथमा रहेको डलर समेत अन्य अफ्रिकी मुलका एजेन्टबाट लिन लगाई अलपत्र पारी खान बस्न समेत नदिई  झुक्यानमा पारी  मोटो रकम लिई मानव तस्करी तथा ठगी गरेकोमा पीडितहरु सिन्धुपाल्चोक घर भएका अरूण तामाङ समेत १० जनाबाट यस कार्यालयमा ठगी सम्बन्धी कसूर समेतमा जाहेरी दरखास्त प्राप्त हुन आएकोमा । यस कार्यालयबाट खटिएको प्रहरी टोलीले टासी शेर्पा समेत ३ जनालाई पक्राउ गरी मानव तस्करी गरी ठगी गरेका अपराधमा आवश्यक कारबाहीको लागि प्रहरी परिसर टेकु काठमाण्डौं पठाइएको ।

अनुसन्धानको क्रममा खुल्न आएका कुराहरु:-

v  ङिमवुटी शेर्पाले आफ्नो श्रीमान् दावा शेर्पा तथा टासी शेर्पाले आफ्नो छोरोलाई अवैध बाटो प्रयोग गरी अमेरिका पठाएको उदाहरण गाउँका अन्य सोझा सीधा मानिसहरुलाई दिई सोहि बाटो र प्रकृया अपनाई अमेरिका क्यानडा लगायतका देशमा पठाउने, Food Packing को सजिलो काम, मासिक ४ लाख माथि कमाई हुन्छ भन्ने समेतका प्रलोभन देखाई Counselling गर्ने गरेको ।

v  ङिमवुटी शेर्पाले एउटै घरमा रेष्टुरेन्ट, ब्युटी  पार्लर तथा चिया पसल समेत सञ्चालन गरी सोही स्थानमा पीडितहरुलाई त्यहीं बोलाई कुराकानी तथा कारोबार गर्ने गरेको तथा अन्य गिरोहका मानिसहरुलाई समेत सोही स्थानमा भेटी कुराकानी तथा रकमको कारोबार गर्ने गरेको ।

v  भिषा निकाल्न तथा Documents Apply गर्न भनि सुरुमा रु. ५,००,०००।– रुपैयाँ लिने गरेको, २/३ दिन पछि भिषा आइसक्यो टिकट काट्न भनि ५-७ लाख, डलर साट्न ५ लाख रुपैंयाँ (३५०० डलर) लाग्छ भन्दै प्रति व्यक्ति ५० लाखसम्म रकम उठाएको खुल्न आएको ।

v  काठमाडौंबाट दुबई ट्रान्जिट बनाई केन्याको राजधानी नैरोबी स्थित JOMO Kenyatta International Airport  पुगेपछि निजहरुले सम्पर्क गराएका अफ्रिकी मुलका एजेन्टले Receive गरी ट्याक्सीमा राखी केन्याको जिम्मारमान (Zimmerman ) स्थित भाडामा लिइराखेको घरको २ वटा फ्ल्याटमा लगि ६ महिना राखेको ।

v  उक्त घरमा पुग्ने बित्तीकै पीडितहरुबाट  २००/३०० डलर मात्र बाँकी राखी सबै डलर र पासपोर्ट एजेन्टहरुले नै लिएर गएका ।

v  काम हुँदैछ पख्नुहोस् भनि ६ महिनासम्म  कोठामा बन्धक बनाई राखेपछि यहाँ बसिरहयो भने प्रहरीले दुःख दिन्छ भनि त्यहाँबाट गाडिमा राखी  अन्दाजी १ घण्टाको दुरीमा रहेको नैरोवी स्थित Kinoo भन्ने स्थानमा अर्को घरको फ्ल्याटमा लगि २/३ महिना राखेपछि प्रहरीले समात्छ भनि पासपोर्ट फिर्ता गरिदिएको ।

v  पीडितहरुले Passport प्राप्त गरेपछि त्यहाँ बस्दा लागेको खर्च पीडितहरुले आफ्नो घर तथा साथीहरुबाट मगाई तिरी हवाई टिकट समेत आफैंले काटी नेपाल फर्किएको ।

v   अमेरिका पुर्‍याउन केन्याबाट क्यानडा, ब्राजिल, कोलम्बिया, मेक्सिको मध्ये कुनै रुट प्रयोग गरी पठाउने गरेको खुल्न आएको ।

v   यस गिरोहले करिब १५ जना नेपालीहरुलाई अमेरिका पठाउन केन्या लगायतका विभिन्न देशहरुमा अहिले पनि बन्धक बनाई राखिरहेको र  निजहरुबाट करिब ७ करोड ५० लाख रकम लिएको खुल्न आएको ।

v  हाल यस कार्यालयको सम्पर्कमा आएका १० जना पीडितहरुबाट  ५करोड ५० लाख रकम लिएको खुल्न आएको । 

पक्राउ  परेका व्यक्तिहरु:-

१.  नाम :- टासी शेर्पा

उमेर :- ४७ बर्ष

स्थायी वतन :-  जिल्ला सिन्धुपाल्चोक भोटेकोशी गा.पा. वडा नं. ०२

हाल :-  जिल्ला काठमाण्डौं बुढानिलकण्ठ न.पा. वडा नं. ११ कपन ।

२.   नाम :- ङिमबुटी शेर्पा

उमेर :- ४२ बर्ष 

स्थायी वतन :- जिल्ला सिन्धुपाल्चोक साविक कर्थली गा.वि.स. ०१

हाल :- जिल्ला काठमाण्डौं गोकर्णेश्वर न.पा. वडा नं. ०५ जोरपाटी ।  

३.   नाम :- निमा शेर्पा

उमेर :- १९ बर्ष

स्थायी वतन :- जिल्ला सिन्धुपाल्चोक जुगल गा.पा. वडा नं. ०१ ।

हाल :- जिल्ला काठमाण्डौं गोकर्णेश्वर न.पा. वडा नं. ०५ जोरपाटी ।