घटना विवरण:

मिती २०८१/०२/०२ गतेको दिन बिहान अन्दाजी ०९:०० बजेको समयमा जिल्ला ललितपुर गोदावरी न.पा ६ स्थितको सडकबाटो किनारको नालीमा अपरिचित ब्यक्ति घाईते अवस्थामा लडी रहेको भन्ने सुचना प्राप्त भई यस कार्यालयबाट खटिएको प्रहरीटोलीले उल्लेखित स्थानमा गई बुझ्दा सो स्थानबाट स्थानीय ब्यक्तिहरु र प्रहरीले निजलाई सो स्थानबाट उद्धार गरी ललितपुर जिल्ला गोदावरी न.पा ६ स्थित रहेको नमस्ते मेट्रो हस्पिटलमा उपचारको लागी पुर्याईएको भन्ने बुझिन आएकोले सो अस्पतालमा गई सोधपुछ गर्दा निजको नाम सुर्य बहादुर समाल मगर रहेको भन्ने बुझिएको र निजलाई सो अस्पतालबाट प्राथमिक उपचार पश्चात यस कार्यालयमा ल्याई सोधपुछ गर्दा निज सुर्य बहादुर समाल मगर मिती २०८१/०२/०१ गतेको दिन बिहानको समयमा कतारबाट फर्किएको र साथमा राजश्व छली गरी ल्याईएको सुन ल्याई त्रिभुवन अन्तराष्ट्रिय बिमानस्थाल पुगी सोही दिन १३:०० बजेको समयमा Saurya Airlines मार्फत झापा जिल्ला भद्रपुर पुगी भन्सार छली गरी  साथमा ल्याएको सुन निजको घर जिल्ला झापा बिर्तामोड न.पा वडा नं ५ स्थितमा लुकाई/छिपाई राखि सोही दिन बेलुका १८:३० बजेको समयमा Buddha Air को बिमान मार्फत काठमाण्डौ फर्किएको र पछिल्लो दिन मिती २०८१/०२/०२ गतेको दिन बिहानको समयमा आफुले आफैलाई शरीरमा चोटपटक लगाई आफ्नो हात खुट्टा समेत बाँधि जिल्ला ललितपुर गोदावरी न.पा ६ स्थितको सडकबाटोको किनारमा रहेको नालीमा बसेको भनि अनुसन्धानबाट खुल्न आएकोले उक्त सुन ईलाका प्रहरी कार्यालय, अनारमणी बिर्तामोड झापाको समन्वयमा निजको घर कोठाको खानतलासी गरी निजले कतारबाट भन्सार छली ल्याएको सुन समेत बरामद गरी आवश्यक कार्वाहीको लागि त्रिभुवन अन्तराष्ट्रिय भन्सार कार्यालय गौचर काठमाण्डौ पठाईएको ।

बरामद समाग्री:

सुनको ब्रासलेट थान १ ( तौल ५० ग्राम )

सनको बेरुवा औठी थान १ ( तौल २० ग्राम )

Samsung कम्पनीको मोबाईल थान १

Iphone मोबाईल थान १

Lenovo नाम उल्लेखित भएको ल्यापटप थान १

पक्राउ ब्यक्ति:                                                                  

नाम थर:- सुर्य बहादुर समाल मगर

स्थायी वतन:- जिल्ला ईलाम सूर्येदय न.पा. १४

     हाल:- जिल्ला झापा विर्तामोड नगरपालिका वडा नं. ५   

     उमेर:- ३८ बर्ष