जिल्ला काठमाण्डौं का.म.न.पा. वडा नं. ३२ कोटेश्वर तथा तिनकुनेमा रेशम रावल समेतले  संचालन गरेको Unique Consults & Consulatancy Pvt.Ltd., World Wide Consults And Consultancy Company, Global Human Resources Management Company, Riyans Education Consultancy Pvt.Ltd., Rawal Travel and Tours Pvt.Ltd. समेतबाट वैदेशिक रोजगारीमा पोल्याण्ड, पोर्चुगल, फ्रान्स, माल्टा, रोमानिया, क्रोएसिया लगायतका देशहरुमा वैदेशिक रोजगारी तथा  भिजिट भिषामा पठाउने भनि सक्कल राहदानी, नागरिकता, शैक्षिक प्रमाण पत्र सबै सक्कलै कागजातहरु लिई ४ वटा विभिन्न कन्सलटेन्सीहरु खोली कागजात र रकम गैरकानूनी रुपले संकलन गरेको भन्ने सूचनाको आधारमा यस कार्यालयबाट प्रहरी टोली खटी गई खानतलासी गर्दा राहदानी थान २२९ सहितका कागजात भेटिएकाले संचालक सहित ६ जना व्यक्तिहरुलाई पक्राउ गरी आवश्यक अनुसन्धान तथा कारबाहीको लागि जिल्ला प्रहरी परिसर टेकु, काठमाण्डौं पठाइएको ।

अनुसन्धानको क्रममा खुल्न आएका कुराहरु:-

v Facebook, Whatsapp, TikTok लगायतका सामाजिक संजालमा विभिन्न देशहरुमा आकर्षक तलब भत्ता सेवा सुविधाहरु पाइन्छ भनी सार्वजनिक रुपमा झुट्टा विज्ञापन Boost गरी प्रचार प्रसार गर्ने गरेको,

v सक्कल राहदानी, नागरिकता, शैक्षिक प्रमाण पत्र सबै सक्कलै कागजातहरु लिई डकुमेन्टेशन, नोटरी गर्न भनि धेरै जना व्यक्तिहरुसँग रु.३५,०००।– लिएको र रु.१७,५००।– मात्र रसिद काटी पठाउने गरेको,

v तिनेकुनेमा घरको फ्ल्याट भाडामा लिई साइन बोर्डहरु समेत केहि पनि नराखी Head Office को रुपमा सञ्चालन गरी त्यसको १०० मिटरको आसपासमा फरक-फरक घरमा ‍माथि उल्लेखित कम्पनीहरु खोली उक्त कम्पनीहरुमा सामाजिक संजाल तथा प्रत्यक्ष रुपमा सम्पर्कमा आउने मानिसहरुबाट डकुमेन्टहरु दैनिक रुपमा Center Collection गरी त्यहिँबाट सम्पूर्ण फेक डकुमेन्ट तयार गर्ने लगायतका कार्यहरु गर्ने गरेको,

v विदेश पठाउने काम नभएपछि सक्कल कागजपत्र माग्न जाँदा पीडितहरुलाई रु. १,५०,००० देखि रु २,००,०००।–  सम्म रकम दिनु अनि मात्र डकुमेन्ट फिर्ता पाउनुहुन्छ भनी फर्काउने गरेको,

v विभिन्न होटल, कृषि फर्म, विधालय आदिको Stamp Pad प्रयोग गरी आफैंले झुट्ठा Work Experience, No Objection Letter आदि कागजातहरु बनाइदिने गरेको,

v त्यसरी प्राप्त हुन आउने रकमहरु प्रेम बहादुर रावलको कृषि विकाश बैंकको खातामा समेत जम्मा गर्ने गरेको,

v यस कार्यालयमा पीडितहरु २५ जनाको जाहेरी दरखास्त प्राप्त हुन आएको र जाहेरी दरखास्त आउने क्रम जारी रहेको,

v बरामद हुन आएको रसिदको ठेली समेतका कागजातहरु हेर्दा पीडितहरुको संख्या १,००० (एक हजार) भन्दा बढी रहेको र ठगी रकम २ करोड ५० लाख भन्दा बढी रहेको प्रारम्भिक अनुसन्धानबाट खुल्न आएको ।

पक्राउ  व्यक्तिहरु:-

१.     नाम थर :- रेशम रावल                                                      ४. नाम थर :- सन्तविर घिमिरे

उमेर :- २७ वर्ष                                                                     उमेर :- ३५ वर्ष

वतन :-  जिल्ला सुर्खेत विरेन्द्रनगर न.पा. वडा नं. ०९ ।                   वतन :- जिल्ला मोरङ पथरी शनिश्चरे न.पा. वडा नं. १० ।  

हाल:-  का.जि.का.म.न.पा. वडा नं. ३२ कोटेश्वर बस्ने ।                   हाल:- का.जि.का.म.न.पा. वडा नं. ३२ नरेफाट ।

२.  नाम थर :- प्रेम बहादुर रावल                                             ५. नामथर :- राजेश साउद

उमेर :- २४ वर्ष                                                                        उमेर :-  २६ वर्ष

वतन :- जिल्ला सुर्खेत विरेन्द्रनगर न.पा. वडा नं. ०९ ।                       वतन :- जिल्ला डडेलधुरा अमरगढी न.पा. वडा नं. ९

हाल  :-  का.जि.का.म.न.पा. वडा नं. ३२ कोटेश्वर बस्ने ।                    हाल :- का.जि.का.म.न.पा. वडा नं. ३२ कोटेश्वर बस्ने ।

३. नामथर :- सुरेन्द्र तामाङ                                                    ६. नामथर :- टंकराज खनाल

उमेर:- ३० वर्ष                                                                           उमेर :- २५ वर्ष

वतन :- जिल्ला काभ्रेपलान्चौक तिमाल गा.पा. वडा नं. ९ ।                 वतन :- जिल्ला अछाम रामारोशन गा.पा. वडा नं. १

हाल :- का.जि.का.म.न.पा. धुम्बाराही बस्ने ।                                    हाल :- का.जि.का.म.न.पा. वडा नं. ३२ कोटेश्वर बस्ने ।