उपरोक्त सम्बन्धमा जुवा सम्बन्धी कसुरको अनुसन्धानको सिलसिलामा पक्राउ परेका तिब्बती नागरिक सोनाम तामाङ भन्ने सोनामको साथबाट मिति २०८१।०६।०४ गते बरामद जिल्ला प्रशासन कार्यालय धादिङ, ना.प्र.न. २६-०१-८१-०३२१७ को नेपाली नागरिकता सम्बन्धमा अनुसन्धान गर्दै जाँदा निजको नेपाली नागरिकता काठमाण्डौको बौद्द महांकाल बस्ने छिरिङ ढुन्डुपले ने.रु.४,००,०००।– ( चार लाख ) मा बनाई दिएको भन्ने खुल्न आएकोले यस कार्यालयबाट खटि गएका प्रहरी टोलीले मिति २०८१।०६।०५ गते र मिति २०८१।०६।०६ गते काठमाण्डौको बिभिन्न स्थानबाट छिरिङ ढुन्डुप सहित ४ जनालाई पक्राउ गरी आवश्यक कारबाहीको लागि जिल्ला प्रहरी कार्यालय धादिङ पठाइएको ।

पक्राउ व्यक्तिहरु:

१.  जिल्ला धादिङ नेत्रावती गा.पा. वडा नं.१ घर भई हाल जिल्ला काठमाण्डौ का.म.न.पा.१० मनमैजु बस्ने सन्त बहादुर तामाङको छोरा बर्ष ३१ को मदनबहादुर तामाङ ।

२.  जिल्ला धादिङ खनियाबास गा.पा. वडा नं.५ घर भई हाल जिल्ला काठमाण्डौ का.म.न.पा.सोह्रखुट्टे बस्ने कृष्ण प्रसाद रिजालको छोरा बर्ष ५६ को रामेश्वर रिजाल ।

३.   चिनको तिब्बत स्थित हिन्दे घर भई हाल जिल्ला काठमाण्डौ का.म.न.पा.वडा नं.६ महांकाल बस्ने नुर्बुको छोरा बर्ष ५३ को छिरिङ ढुन्डुप ।

४.  जिल्ला सिन्धुपाल्चोक हेलम्बु गा.पा. वडा नं. ४ घर भई हाल जिल्ला काठमाण्डौ गोकर्णेश्वर न.पा. वडा नं. ८ बस्ने गेम्बे शेर्पाको छोरा बर्ष ४६ को छिरिङ् वाङ्दीन शेर्पा ।

बरामद सामाग्री:

विभिन्न कम्पनीको मोबाईल थान- ६

सोनाम तामाङको नाममा रहेको (ना.प्र.प नं.२६-०१-८१-०३२१७) भएको नागरिकता थान-१

अनुसन्धानबाट खुल्न आएका कुराहरु:-

Ø सोनाम तामाङ भन्ने सोनामले छिरिङ ढुन्डुपलाई बौद्दमा भेटी नेपाली नागरिकता, राष्ट्रिय परिचय पत्र र राहदानी बनाउनलाई ने.रु. ४,००,०००।–(चार लाख ) दिएको ।

Ø  सोनाम तामाङ भन्ने सोनामले दिएको ने.रु. ४,००,०००।–(चार लाख ) मध्ये ५० हजार छिरिङ ढुन्डुप आफुले राखी रु.३,५०,०००।–(तिन लाख पचास हजार) छिरिङ वाङ्दिन शेर्पालाई दिएको ।

Ø  छिरिङ वाङ्दिन शेर्पाले लिएको रु.३,५०,०००।–(तिन लाख पचास हजार) मध्ये रु.५०,०००।–(पचास हजार) आफु संग राखी रु.३,००,०००।– ( तिन लाख ) रामेश्वर रिजाललाई दिएको ।

Ø  छिरिङ वाङ्दिन शेर्पाले राखेको रु.५०,०००।–(पचास हजार ) मध्ये रु.४५,०००.।–(पैतालीस हजार)  सोनाम तामाङ भन्ने सोनामको राष्ट्रिय परिचय पत्र र राहदानी बनाउनलाई पुन: रामेश्वर रिजाललाई दिएको ।

Ø  रामेश्वर रिजालले लिएको रु.३,४५,०००।–(तिन लाख पैतालीस हजार) मध्ये रु.१,४५,०००।–(एक लाख पैतालीस हजार) आफु संग राखी रु.२,००,०००।– (दुइ लाख) मदनबहादुर तामाङलाई दिएको ।

Ø  मदनबहादुर तामाङले लिएको रु.२,००,०००।– ( दुई लाख ) मध्ये आफु रु.१,५०,०००।–(एक लाख पचास हजार) राखी रु.५०,०००।– (पचास हजार) जिल्ला प्रशासन कार्यालयको कर्मचारीलाई दिई बनाएको भन्ने बुझिएको ।

Ø  तिब्बती नागरिक सोनामको सक्कली बुबा काबसान टासी रहेकोमा सोनामले जिल्ला प्रशासन कार्यालय धादिङबाट जारी मिति २०८१।०३।०६ गते (ना.प्र.प.न. २६-०१८१-०३२१७) प्राप्त गरेको नेपाली नागरिकतामा जिल्ला धादिङ नेत्रावती डबजोङ गा.पा. वडा नं. १ ठेगाना भएको किर्ते बुबा हर्कमान तामाङलाई खडा गरी नागरिकता लिएको ।

उक्त नागरिकता प्राप्त गर्न सोनाम तामाङ भन्ने सोनाम जिल्ला प्रशासन कार्यालय धादिङमा उपस्थित समेत नभई नागरिकता प्राप्त गरेको तथ्य तिब्बती नागरिक सोनामबाट खुल्न आएको ।