“बालक अपहरण गरी बन्धक बनाउने व्यक्ति पक्राउ"
२०८१-१०-२७
- A
- A-
- A+
मिति २०८१।१०।२४ गते अं. २०:२० बजेको समयमा
जिल्ला ललितपुर ल.पु.म.न.पा. वडा नं. १२ पाटनबाट आफ्नो छोरा वर्ष ४ को जिरे भन्ने पल चेपाङ हराएकोले
खोजतलास गरी पाउँ भनी सरिता तामाङले निवेदन दिए पश्चात् अनुसन्धान गर्दै जाँदा निज बालकलाई
अपहरण गरी काठमाण्डौ जिल्ला का.म.न.पा. वडा नं. १४ कलंकी स्थित मकालु पेट्रोल पम्प
नजिकै रहेको इलाम मेचि गेष्ट हाउसको कोठामा बन्धक बनाइ राखेको अवस्थामा यस
कार्यालयबाट खटि गएको प्रहरी टोलीले बालकलाई सकुशल उद्धार गरी अपहरण कार्यमा
संलग्न रहेका निम्न व्यक्तिलाई पक्राउ गरी थप अनुसन्धान तथा आवश्यक कारबाहीको लागि
जिल्ला प्रहरी परिसर जावलाखेल ललितपुरमा पठाइएको ।
पक्राउ
व्यक्ति:-
नामः
भियतनामी नागरीक Mai Hoang Kinh Laun ।
उमेरः
२३ वर्ष ।
ठेगाना:
भियतनाम देश
चाईवाङ सिटी ।
हालः
जिल्ला काठमाण्डौ का.म.न.पा. १४ कलंकी बस्ने ।
बरामद
सामानहरू:-
•
विभिन्न
कम्पनीका मोबाइल थान-३ ।
•
ल्यापटप
थान-१ ।
•
भियतनामी
मुद्रा थान-१ (२०००० DONG) ।
•
नक्कली
भारतीय आधारकार्ड थान-२ ।
•
बसको
टिकट थान-१ ।
•
चक्कु
थान-१ ।
अनुसन्धानको
क्रममा खुल्न आएका तथ्यहरू:-
•
गत डिसेम्बर २५ मा क्रिसमश मनाउने
सिलसिलामा पाटनको कृष्ण मन्दिर प्राङ्गणमा बच्चाको दाईसँग भेटघाट भई कुराकानी गरी
चिप्स,
चकलेटहरू खरिद गरी दाजुभाइलाई दिई निकटता बढाएकोमा त्यसपछि पनि
पटकपटक उक्त स्थानमा गई बालकसँग खेल्ने र खाने कुरा दिई नजिकिने गरेको ।
•
मिति २०८१।१०।२४ गते राती २०:३० बजेको
समयमा जिल्ला ललितपुर ल.पु.म.न.पा. वडा नं. १२ पाटन मंगलबजार स्थितबाट ४ बर्षिया
बालक जिरे भन्ने पल चेपाङ हराएको भनी निजको आमा सरिता तामाङले खोजतलासको लागि
प्रहरी प्रभाग मंगलबजारमा निवेदन दिएको ।
•
प्रहरी टोलीले खोजतलास गर्ने क्रममा
सम्भावित चोकमा रहेको CCTV
फुटेज संकलन तथा विश्लेषण गर्दा मिति २०८१।१०।२४ गते २०:४४ बजेको
समयमा कृष्ण मन्दिर नजिकै ढालचा चोकबाट अपरिचित व्यक्तिले निज बालकलाई लिई
ट्याक्सीमा चढेको देखिएको ।
मिति २०८१।१०।२५ गते बेलुका १९:३० बजे काठमाण्डौबाट विरगंज जाने न्यू साजन AC Sofa With Sleeper Coach को बस नं. ६८१८ को सिट नं. B ३ र ४ नम्बरको टिकट बुक गरी त्यस तर्फ लैजाने योजना बनाई तयारी गरी रहेको अवस्थामा कलंकी स्थित मकालु पेट्रोल पम्प नजिक रहेको इलाम मेचि गेष्ट हाउसको कोठामा बालकलाई बन्धक बनाई राखेको प्राबिधिक अनुसन्धानबाट खुल्न आए पश्चात् उक्त गेष्ट हाउसको कोठा नं. १०७ बाट बालकलाई सकुशल उद्धार गरी अपहरण कार्यमा संलग्न व्यक्तिलाई पक्राउ गरीएको ।